amalinks wokungena

Breaking News

Imililo Esitshise Amahlathi Yabulala Abantu Iba Ludaba Kukhetho lweMelika


California fire

Udaba lwemililo esitshise yalothisa amahlathi lemizi njalo yabulala abantu abangamatshumi amathathu eMelika belusegudwini izolo phakathi kwabancintisanayo kukhetho lukaMongameli abathi uMnu Joe Biden loMongameli Donald Trump.

Indawo ezitshayo zibalisa iOregon, iCarlifornia leWashington State lapho umkhathi osuhlala ugcwele inthuthu edala ukuthi abantu behluleke ukuphefumula kuhle.

UTrump wethekelele eCarlifornia lapho atshele khona iziphathamandla ukuthi zikhipha izihlala ezomileyo egangeni ukuze kwehlise ingozi yokutsha kwamahlathi.

Esinye isiphathamandla salesisabelo sitshele uTrump ukuthi imbangela enkulu yalingozi yikuguquka komkhathi (climate change), kodwa uTrump ukwalile lokho esithi akulabufakazi.

UMnu Biden yena uchothoze uMongameli Trump ngokungakholwa ukuthi umkhathi uyaguquka.

Ngokunjalo, uthe kumele asuswe embusweni kukhetho oluzakwenziwa ngoLwezi mhlaka 3.

Isizalwane seZimbabwe esihlala eCarlifornia uMnu Prince Mabandla utshele iStudio 7 ukuthi lanxa ehlala khatshana lalapho okutshayo, intuthu igcwele indaba yonke, okwenza kuphefumuleke nzima.

please wait

No media source currently available

0:00 0:02:12 0:00

Facebook Forum

XS
SM
MD
LG