amalinks wokungena

Breaking News

Uhulumende Uvhumela Ukusungulwa Kwemisakazo Ngemali Yabemazweni


Misa- Zimbabwe
Misa- Zimbabwe

Uhulumende weZimbabwe usevumile ukuthi abantu bemazweni bafake imali emisakazweni kazulu eye Community Broadcasting. UMnu. Anyway Mutambudzi wohlangothi lukahulumende olubona ngezokwethulwa kwemibiko utshele umhlangano wabasakazayo, iziphathamandla zikahulumende labosomabhizimusi ngoLwesihlanu, oqoqwe yiMedia Institute of Southern Africa ukuthi lokhu kumele kuvunyelwe luhlangothi olubona ngezokwethulwa kwemibiko. Uthi labo abafaka imali yemisakazo elizweni bazahlolisiswa inhloso yabo ukwenzela ukuthi imisakazo le ikhangelane lezifiso zikazulu hatshi okufunwa ngabalemali.

Abantu abanengi akade besemhlangwanweni lo bancome okukhulunywe nguMutambudzi besithi kodwa beseba ukuthi uhulumende uzavalela abantu abanengi bemazweni ukuthi bafake imali emisakazweni kazulu.

Omunye wabo nguNkosikazi Kholiwe Majama obona ngenhlelo zeMISA-Zimbabwe othe kumele kubunjwe iqula labantu elizimele lodwa elizabe lisamukela imali le liyinika imisakazo etshiyeneyo.

Umnu. Nhlanhla Ngwenya umqondisi weMISA-Zimbabwe ugcizelele esithi kumele uhulumende akhiphe yonke imigoqo evalela uzulu ukuthi avule imisakazo elizweni. UNgwenya uchasisa ngokuphume emhlanganweni weHarare lo, lapho exoxa loGibbs Dube weStudio 7.

Ingxoxo loMnu. Nhlanhla Ngwenya
please wait

No media source currently available

0:00 0:02:16 0:00
Lapho esitholakala khona

XS
SM
MD
LG