amalinks wokungena

Breaking News

Impilakahle kaMugabe Iqhubeka Kuludaba Egudwini


Impilakahle kaMongameli Robert Mugabe itshone isemilonyeni yabanengi ngoLwesibili ngemva kokuba esuke elizweni elubhekise kweleSingapore ukuyakwelatshwa.

Isikhulumeli sikaMugabe uMnu George Charamba ulandule imbiko yokuthi uMugabe uyekwelatshwa umkhuhlane wemvukuzane, esithi uyekwelatshwa amehlo.

UCharamba uthi uMugabe uzabe sephendukile elizweni ngoMgqibelo ukuzophatheka emthimbeni wokuthakazelela iminyaka yakhe yokuzalwa engamatshumi ayisitshiyagalolunye, 90 years.

Emnyakeni odluleyo, uMugabe utshitshele kanengi eSingapore lapho abekhona njalo ngoZibandlela lonyaka ukuyabonana labodokotela bakhe.

Ukuhlaziya loludaba sixhume ingcwethi ehlaziya ezombusazwe uMnu Rejoice Ngwenya yena othe eleZimbabwe lilengcwethi ezihloniphekayo ezelapha imikhuhlane yamehlo.

Ngalokho, uNgwenya uthi uMugabe kumele adinge ukwelatshwa elizweni hatshi emazweni akude lapho asebenzisa khona imali enengi kunhambo zakhe.
XS
SM
MD
LG