WASHINGTON —
Ibandla leMDC Alliance lithi selihlole izikolo ezigabeni zonke zelizwe lafumana ukuthi akulamfundo ejulileyo eqhubekayo ngoba abantwana abangabhadalanga ama schools bayaxotshwa ezikolo, ababalisi bayasilela, njalo akulakudla okweneleyo ema boarding schools.
Uhulumende uthi akufanelanga abantwana bexotshwe nxa bengabhadalanga ama school fees njalo uthi useqhatshe ababalisi abafika inkulungwane phose ezine four thousand ukuthi bephathise ezikolo.
Umsekeli wesikhulumeli salelibandla uMnu. Felix Magalela Mafa uthi kwakufanele ukuthi uhulumende aqale akhulumisane labazali, ababalisi, labanye kucutshungulwe ukuthi kungabe sokufanele na ukuthi izikolo zivulwe.
