amalinks wokungena

Breaking News

Imuli YakoNkomo Ithi Ngamanga Ukuthi uChamisa Uthenjiswe Intonga kaMnu. Joshua Nkomo


Umuyi, uMnu. Joshua Nkomo, ephethe intonga yakhe okuthiwa yathenjiswa uMnu. Nelson Chamisa.

Sokuqhamuke inkulumo phezu kokuvakatshela imuli kamuyi, uMnu. Joshua Nkomo ngumkhokheli webandla leMDC-T, uMnu. Nelson Chamisa.

Isikhulumeli sika Chamisa, uMnu. Luke Tamborinyoka utshele intathelizindaba ukuthi ngemva kokuvakatshela owayengumkhokheli wabalwa impi yenkululeko, uMnu. Jabulani Sibanda emzini wakhe eNkulumane, bavakatshele imuli kamuyi, uMnu. Nkomo eMatsheamhlophe.

Sixoxe losaphethe isikhundla sesikhulumeli seMDC-T, uNkosazana Thabitha Khumalo saqala ngokumbuza ukuthi kulemibiko ethi inengi labaye emhlanganweni oyenzelwe koBulawayo bekungabantu abavela phandle kwedolobho lako Bulawayo abalethwe ngamabhasi lezimota?

“Asithi laba abafundileyo inombolo ungakhangela iWhite City iyi 100 metres by 120 metres angitsho, so nxa kuthiwa sibhase abantu, ungathatha ibhasi eyodwa ithatha abantu abangu 75, ingathwala abantu, nxa kungamabhasi angu 50 imali yang’khona siyayithatha ngaphi, thina silodubo lwemali?” kutsho uNkosazana Khumalo.

Uthi nxa bengathwala abantu bayabe bezikhohliswa ngoba abantu laba bengasoze bebavotele.

Kodwa uthi akusimlandu ukuthi abantu basuke lapha abahlala khona njengokwenziwa ngabakhonzayo abayake basuke.

“Uhambile ubaba uChamisa eMuseum lapho okugcinwa khona impahla eyayingekamuyi, uMnu. Joshua Nkomo waxoxoxisana labang’khona ngale bamthembisa intonga kamuyi,” kutsho.

please wait

No media source currently available

0:00 0:02:24 0:00

Siphinde saxoxa njalo loMnu. Sibangilizwe Nkomo ongumqonidisi wenhlanganiso ye Joshua Nkomo cultural Movement, eyindondana kamuyi uNkomo sambuza ngokwenzakeleyo.

please wait

No media source currently available

0:00 0:01:52 0:00

Kunjalo nje, inkokheli yebandla leMDC-T ngapha kweleMelika ilandula imbiko ethi isixotshiwe kulelobandla ngenxa yokusekela uNkosazana Thokozani Khuphe.

Lokhu kuphume ngempelasonto lapho enye inkokheli ebalisa uMnu. Zvidzai Ruzvidzo esekelwa nguMnuJoseph Nyamanjiva yibo asebekhokhela lesi sigaba.

Osaphethe isikhundla sesikhulumeli sebandla, uNkosazana Thabitha Khumalo uthe ibandla alikathathi nyathelo kusigaba seNorth America. Siphinde saxoxa loMnu. Den Moyo, umgcinisihlalo wesigaba.

please wait

No media source currently available

0:00 0:01:52 0:00

Facebook Forum

XS
SM
MD
LG