amalinks wokungena

Breaking News

Inani Lezizalwane zeZimbabwe Likhuphuka Kancane


Uhlangothi olubona ngokubalwa kwabantu olwe Zimbabwe Statistics Agency lwethule impumela yakuqala ngoMvulo yohlelo lokubala abantu olukhomba ukuthi inani labantu eZimbabwe likhuphuke kancance lisuka kuzigidi ezedlula kancane ezilitshumi lanye-11,6 million ngomnyaka ka 2002 lisiya kuzigidi phose ezilitshumi lantathu-12, 9 million.


Umgcinisihlalo weboard ye ZIMSTAT uMnu. Douglas Hoto utshele intathelizindaba eHarare ngoMvulo ukuba nxa kukhangelwa indlela inani labantu elikhuphuke ngalo ngemva kweminyaka engamatshumi ayiskhombisa leli nani lingabe selengeze ngokuphindwe kabili.

Idolobho le Harare yilo elitholakale lilabantu abanengi abalitshumi lasithupha ekhulwini 16% lilandelwa yiManicaland elesilinganiso esilitshumi lane ekhulwini-14%.

lokhu kutsho ukuthi iHarare ilezigidi ezedlula kancane ezimbili 2, 098 199, i Manicaland ilezigidi phose ezimbili-1,755 000, iMidlands ilezigidi phose ezimbili-1, 622 476, iMasvingo layo yedlula isigidi-1,486 604, Mashonaland West (1, 449 938), Mashonaland Central (1, 139 940), iMatabeleland North iphansi kwesigidi-743 871, iMatabeleland South layo iphansi kwesigidi-685 046.

Idolobho lakoBulawayo yilo elibikwa lile nani labantu elehlileyo kakhulu eliphansi lalo kwesigidi-655 675, njalo yilo lodwa elilenani labantu elehlileyo elizweni lonke.

Ingcwethi ecubungula ezombusazwe, uMnu. Rejoice Ngwenya utshele iStudio 7 ukuthi inani leli lizadala imbuzo eminengi.

please wait

No media source currently available

0:00 0:02:03 0:00
Lapho esitholakala khona
XS
SM
MD
LG