amalinks wokungena

Breaking News

Liyaqonga Inani Labesifazana Abadlwengulwa Emacaweni


Church Pastors
Ngeviki edluleyo kuhlelo lwethu lwezamasiko besiphethe udaba lwabalandeli bechawe le Rabboni Center Ministries kwele South Africa ababikwa bedliswa utshani ngumMfundisi Lesego Daniel.

Loludaba lusabalele ebulenjini lasezinkundleni ezifana leFacebook lemifanekiso yabazalwane besidla utshani abanye behlanza okuzondise abantu abanengi kwele South Africa lamanye amazwe womhlaba abathi akumelanga abafundisi bahlukuluze abalandeli babo kanje.

Liviki sizahlaziya ukudlwengulwa kwabesifazane emachaweni kulandela umbiko othi kulomfundisi we Brazil obethwalise nzima omama esithi umzimba wakhe untshaza uchago. Kuzoba labanye njalo abathi izigcebhezane yizo ezibanga ukudlwengulwa kwabesifazane endlini kasomandla.

Sezisiba zinengi izehlakalo zokudlwengulwa kwabesifazana ngezinye izikhathi kungumlandu wabo ikantike kwesinye isikhathi kungasimlandu wabo, behlukuluzwa ngabafundisi lapho bedinga usizo lokukhulekelwa abababizela nsitha okungela abanengi babe sebebadlwengula becatsha ngelokuthi bayabathandazela.


Ukuhlaziya loludaba uGibbs Dube we Studio 7 uxoxa loNkosikazi Thoko Bhebhe Sibanda ingcwethi kwezamasiko esintu loMfundisi Midian Dube owe Foundation of Life Ministries International.

Ababili laba bayavumelana ukuthi kuyadingeka ukuthi owesifazana nxa esiya echaweni agqoke izembatho ezihloniphekayo ezivala umzimba wakhe ukuze ungakhangi abesilisa, amadeacon labafundisi. Ikantike laye umfundisi kumbe umudeacon kuyadingeka ukuthi nxa ethandazela umzalwane owesifazana angazakwenza lokhu beqondene bebobabili endaweni engela banengi okuyikho okungabangela ukungena kwababili laba esilingweni.
XS
SM
MD
LG