Ndebele headlines Mabasa 26, 2018
Endabeni zethu lamhlanje ……………..
********** Ele Zimbabwe limanyana lamanye amazwe womhlaba ekunanzeni ilanga lokuvikelwa kwamalungelo abantu emisebenzini abazenzela yona ngokusebenzisa inqondo ele World Intellectual Property Day.
********** Umbukiso walonyaka wezokuthengiselana lezamabhizimusi owe ZITF uqhubekela phambili lapho umsekeli kamongameli uRetired General Constantino Chiwenga athe uMongameli Emmerson Mnangagwa umelele abekhomishini eyeZEC ukuthi bagqibe amalungiselelo okhetho anduba anqume ukuthi ukhetho lwenziwa nini.
********** Uhlangothi okubona ngokubuthaniswa kwemali kahulumende eye Zimbabwe Revenue Authority- Zimre ikhala ngokuthi amankampani kanye lozulu jikelele balesikhwelede semithelo samabillion edlula amane amadollar-$4,2billion.
********** KuLivetalk lamuhla kuhlelo lwabesifazana ‘Asiyihluzeni bomama’ sixoxa ngokukhulunywa ngabesifazana emihlanganweni yabamabhizimusi enziwa ngaphambilini kombukiso owe ZITF. Liyasazi na isimo lesi? Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6040 laku 15460 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
