amalinks wokungena

Breaking News

Indaba ZesiNdebele, Nkwenkwenzi 7, 2018


Endabeni zethu lamhlanje ……………..

********** Izikolo ziyavulwa kusasa kodwa ababalisi besala ukwamukela isilinganiso seholo esithenjiswa nguhulumende besithi kabayi emsebenzini kusasa.

********** Abenhlanganiso yabelaphi abasuka kweleAmelika abeOperation of Hope (OOH) kuliviki basesibhedlela seMpilo Central Hospital lapho abakhangelele ukuhlinza abantu abangamatshumi amane lasifica minwe mibili abalendebe ezidabukileyo.

********** UMongameli Emmerson Mnangagwa usekwethekeleleni kweleQatar ngemva kokunxuswa ngomunye wakhe walelo lizwe uSheikh Tamim bin Hamad al Thani.

********** Osaphethe isikhundla sikamgcinisihlalo webandla eliphikisayo ele MDC-T uMnu. Morgan Komichi uqhuba umhlangano lentathelizindaba eHarare.

********** Iqembu lomdlalo wenguqu ele Highlanders selitshiywa ngemiklomelo eyisithupha liqembu eliphezu kwengalane yemiklomelo esigabeni se Castle Lager Premier Soccer League ele Ngezi Platinum Stars ngemva kwemidlalo yangempelaviki edluleyo..

********** KuLivetalk lamuhla sixoxa ngokhetho lwama primaries ebandleni eleZanu PF osoluphindiwe lakwamanye amabandla. Kulokulwisana okumangalisayo kwamalunga ebandla linye kubangwa ozammela ibandla kukhetho olukhulu lwelizwe. Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6040 laku 15460 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Indaba ZesiNdebele, 7 Nkwenkwenzi 2018
please wait

No media source currently available

0:00 0:01:56 0:00

Facebook Forum

XS
SM
MD
LG