amalinks wokungena

Breaking News

Amalunga Edale leCabinet Amangaliswa Ngokwenziwa yi Air Zimbabwe


Air Zimbabwe
Air Zimbabwe
Amanye amalunga edale le cabinet athi amangele ngokuzwa ukuthi indizamtshina ze Air Zimbabwe zizaqalisa ukuphapha kusukela ngenyanga ezayo.

Amalunga la, angafunanga ukuthi avezwe amagama, athe kungeke kwenzakala ukuthi indizamtshina lezi ziphaphe njengoba iAir Zimbabwe ilokhe ilezikwelede ezinengi ezigoqela imali yabatshayeli bendizamtshina lezinye izisebenzi.

Amalunga edale leli aphinde athi inkampani ye Air Zimbabwe kumele ibe lezigidi ezinhlanu zamadollar eMelika - $500 million - ukuze iphaphise indizamtshina zayo ekhaya, ezansi kwezwekazi le Africa lemazweni aphetsheya.

Amalunga la athi njalo kuyamangalisa ukuthi abaqondisi be Air Zimbabwe bethule umbiko wokuthi sebezaphaphisa indizamtshina bona bengakatshelwa ngalokhu nguMnu. Nicholas Goche umphathintambo wezokuthwalwa kwempahla labantu.

Uhulumende lokhe edinga inkampani yokusebenzelana lenkampani le. Inkampani ye Air Zimbabwe yamisa ukuphaphisa indizamtshina yazo isesaba ukuthi zingathathwa ngamankampani ayefuna ukubhadalwa izikwelede ezasezifika izigidi ezilikhulu zamadollar eMelika - $100 million.

UMnu. Gorden Moyo umphathintambo wamafekithali kahulumende uthe idale le cabinet likhangelelwe ukuhlafuna udaba lwe Air Zimbabwe ngoMvulo.

please wait

No media source currently available

0:00 0:02:11 0:00
Lapho esitholakala khona
XS
SM
MD
LG