amalinks wokungena

Breaking News

Induna Zithi AmaZulu Labadabuka eZimbabwe Abahlala eHillbrow Lezinye Indawo Kumele Bame Ukudubulana eGoli


Induna uThulani Mgoqo Jubane lezinye zikhuza abantu ukuba bengalwi eGoli.

Induna zithi sokumele abantu abadabuka eZimbabwe labaKwaZulu babeke phansi izibhamu kulandela ukudutshulwa lokubulawa kwabantu abedlula itshumu okubikwa ukuba abanye babo bafele eHillbrow, eYeoville leBerea.

Kwenziwe umhlangano ngeSonto eJohannesburg zinduna ezithe ukulwa lokhu kudalwe yizigebengu okumele zibotshwe. Induna ezingene umhlangano lo zigoqela uMnu. Siphiwe Mhlongo, uNdwandwe, uDlamini, uThulani Mgoqo Jubane leziphathamandla zenhlanganiso emele abadabuka eZimbabwe eyeZimbabwe Community in South Africa.

Induna uMhlongo uthi kumele kuphele ukubulawa kwabantu eJohannesburg.

Lokhu kusekelwa yinduna uNdwandwe.

Induna uJubane laye uyakusola kakhulu okwenzekala eJohannesburg. Uthi kumele kuphele okwenziwa yizigebengu ezitshaphaza abadabuka eZimbabwe.

Omele uBulelani Lobhengula Khumalo, owakhethwa ngumdeni wako Khumalo ukuba yiNkosi yaMaNdebele, uMnu. Bornman Khumalo, uthi kumele abantu badonse ndawonye ukwenzela ukumisa udlame olwenzakala eGoli.

UMnu. Ngqabutho Mabhena, umgcinisihlalo wenhlanganiso yeZimbabwe Community in South Africa, uthi ukubulawa kodabuka KwaZulu kwadala inkemenkeme le.

UMabhena uthi bazama ukuqeda ubundlwangudlwangu lobu.

Kasenelisanga ukukhuluma leziphathamandla zikahulumende wakwele South Africa lowakwele Zimbabwe kanye lamapholisa ngodaba lolu.

Induna Zikhuza AmaZulu Labadabuka eZimbabwe
please wait

No media source currently available

0:00 0:04:45 0:00


Facebook Forum

XS
SM
MD
LG