amalinks wokungena

Breaking News

Inengi Lokhe Lisehluleka Ukubhalisela Ukuvota Emaphandleni


Uzulu ebhalisela ukuvota esilindelweni samatekisi edolobheni leGwanda ngoLwesithathu

Izakhamizi zemaphandleni ezinengi eMatabeleland South lokhe zihlangana lengxaki ezitshiyeneyo ezenza zehluleke ukubhalisela ukuvota kukhetho oluzayo.

Isizatho esimqoka ngesokuthi inengi kalilazithupha.

Isabelo seMatabeleland South silabantu abazinkulungwane ezedlula amakhulu amathathu lamatshumi amahlanu (356 000) abalelungelo lokuvota njalo inengi labo lisemaphandleni.

Okwakathesi sekubhalise abantu abazinkulungwane ezingamakhulu amabili lamatshumi amabili (221 000) okutsho ukuthi abedlula inkulungwane ezilikhulu lokhe bengakabhalisi.

Asebehluleke ukubhalisa ngezizatho ezitshiyeneyo bazinkulungwane ezintanthu lamakhulu amahlanu (3500).

please wait

No media source currently available

0:00 0:05:03 0:00

UNkosazana Sikhangezile Ndlovu ohlala eDhewe, eNatisa, ngomunye wabantu laba.

“Siyaswela ukuthi senzeni ngenxa yezithupha zona lezi ngoba ungafika ezithupheni, bayadinga izinto ezinengi kakhulu,” kutsho uMaNdlovu.

Esinye njalo isakhamuzi seNatisa, uNkosazana Sithembiso Tshuma uthi okunye okwenza inengi lehluleke ukubhalisa ngumango omude.

“Nxa ngibana ngisuka kimi lapha; 7 kilometers. Mina ngingakwanisa ukuhamba kodwa abantu abadala abakwanisi, bakhala nge-transport,” kutsho uNkosazana Tshuma.

Inhlanganiso ezitshiyeneyo ezigoqela iZimbabwe Elections Support Network ziphakathi komkhankaso wokuhuga uzulu ukuthi ebhalisele ukuvota ngobunengi.

UMongameli Emmerson Mnangagwa uthi ukhetho lolu luzakwenziwa inyanga kaNtulikazi ingakafiki. Kodwa amagqwetha athi lokhu kuyabe kuyikwephula umthetho.

Facebook Forum

XS
SM
MD
LG