amalinks wokungena

Breaking News

Ingcwethi Kwezombusazwe: iZanu PF Isiyingqungqulu Ephuk' Uphiko Ngakho Inganqotshwa


UMongameli Emmerson Mnangagwa

Amabandla aphikisayo alakho ukukhipha ibandla leZanu PF embusweni nxa indubo ezikhona eZimbabwe, ezigoqela ukuswelakala kwemali, imisebenzi lezinye ezilokhe zesasekhona ngemva kwenyanga ezintathu uMongameli Emmerson Mnangagwa engene embusweni, kutsho ingcwethi kwezombusazwe.

Ingcwethi ezicubungula ezombusazwe zithi lobanje kulamabandla amanengi azancintisa kukhetho olwenziwa lonyaka eZimbabwe, umanyano weMDC Alliance okhokhelelwa ngu Mnu Nelson Chamisa lowe People’s Rainbow Coalition okhokhelwa nguNkosikazi Joice Mujuru ulakho ukunqoba iZANU PF nxa ukhetho lungenziwa indubo lezi ziqhubeka.

UMnu. Elvis Jaleke einye yalezi ngcwethi zombusazwe uthi uzulu usehlukumezeke okwesikhathi eside phansi kombuso weZanu PF osekunganikeza ithuba amabandla aphikisayo.

Egcizelela kulokhu, uJaleke uthe okunye njalo osekungaguqula amathamsanqa eZanu Pf yikubekwa kosakhulayo Mnu. Nelson Chamisa ukuba ngumkhokheli weMDC-T, osekuphe abasakhulayo ithemba lokuthi idlabuzane eliza laye njengosakhulayo lingaguqula iZimbabwe.

Okunye njalo osekuvuselele ithemba lokuthi umbuso weZANU PF usungabe usufika kogoqwa nyawo yikuphindela kowayengumongameli Robert Mugabe kwezombusazwe esencedisa elinye lamabandla aphikisayo ele National Patritic Front ohle waqala ngokusola uMongameli Emmerson Mnangagwa ethi kakhethwanga nguzulu.

UMnu. Nkosana Dlamini, ohlaziya ezombusazwe uthe ukusekelwa kwamabandla aphikisayo nguMugabe kulakho ukudabula usekelo lweZanu Pf abanye besiya kuMnangagwa abanye belandela uMugabe osekungenza iMDC Alliance ithole ithuba lokunqoba kukhetho.

Kodwake eyinye yengcwethi ehlaziya ezombusazwe, uMnu. Prince Moyo uphambana labanye ethi loba nje ukudabuka kweZanu PF kulakho ukwehlisa ubuqili kukhetho ngoba amacele womabili aleli bandla esazana indlela ayezisebenzisa ukuqila kukhetho, udubo yikuthi amabandla aphikisayo esemanengi kakhulu.

Ohlaziya ngezenhlalakahle kazulu uMnu. Sineke Sibanda yena uthi kuqakathekile ukuthi amabandla aphikisayo azwisise ukuthi acintisana lebandla eliyisimakanjani.

Ezinye ingcwethi zithi lalobanje ibandla le ZANU PF lingajabulelwa ngabanengi ukusuka kuka Mugabe kungalenza lamukeleke njengebandla elizimisele ukuletha inguquko elizweni.

Imibiko ethulwe ngumgcinisihlalo wekhomishini ebona ngokuqutshwa kokhetho eye Zimbabwe Electoral Commision (ZEC) uNkosikazi Priscilla Chigumba ithi amabandla aphikisayo eZimbabwe asefika ikhulu lasikhombisa.

Amanengi ala mabandla ingcitshi zithi ngumlilo wamaphepha nje, amabandla sibisibili angatshayisa iZanu PF ngekhanda nganjenge MDC Alliance le PRC kaNkosikazi Mujuru.

please wait

No media source currently available

0:00 0:03:30 0:00

Facebook Forum

XS
SM
MD
LG