amalinks wokungena

Breaking News

Ingcwethi Ziphana Amacebo Ngokulondolozwa Kwamasiko Kwezentuthuko


Kade benxusiwe

Ingcwethi zemfundo zihlanganise amakhanda ziphana amacebo ngodaba lokulondolozwa kwamasiko lokusetshenziswa kwawo kwezentuthuko emhlanganweni oqoqwe ngabekolitshini leUniversity eye NUST owenzelwe e Harare ngoLwsithathu.

Lumhlangano owenziwa ngomnyaka owe International Conference on Communication and Information Science ubuthanise ingcwethi ezitshiyeneyo emsebenzini wescience ngenhloso yokuggcwalisisa iziqondiso zenhlanganiso yomayano wamazwe womhlaba eye Unesco zokuqakathekiswa kwamasiko.

U Nkosikazi Sibongile Jele we kolitshi le Nust uchasisa kabanzi ngomhlangano lo.

“Kuqoqwe ngezindlela okungasetshenjiswa ngazo imvelo yethu ,ubuyithi bethu njengama Africa, njengama Zimbabweans ukuthi esilakho okuligugu our cultural heritage kithi esingakusebenzisa ukuthi singakusebenzisa njani ukubana abantu bathuthukiswe ezabelweni singahlali silindila ukuncediswa kuncedo oluvela kwezinye indawo,” kutsho uJele.

Uthi udaba oluqakathekiswe kakhulu yikuhlolisiswa kwemikhuba ephazamisa abesifazane lamantombazana.

“Impikisano ekhona ngeyokuthi kulamanye amasiko lemikhuba ekhona elimazayo engamihle .Sithini ngayo.Asithi konke kubi. Okuphumileyo lapha ade kukhulunywa ngamankazana yikuthi zikhona ezinye indlela kumbe amanye amasiko okuhle okusakhayo okusikhulisayo njengesizwe kodwa kube khona okulimazayo ikakhulu okulimaza kakhulu umntwana oyinkazana .Yebo kungalimaza lomntwana ongunfana kodwa inhlolisiso ikhomba ukuthi umntwana oyinkazana nguye olimala kakhulu ngamasiko anje, kuqhubeke,” uJele.

UNkosazana Sandra Mpofu ofundisa ekolitshini le Nust uthi ingcitshi zeScience bezihlanganisa inqondo ezivele emazweni atshiyeneyo lezeZimbabwe :

Kutsho uMpofu: “Kulabantu abavela from outside abanye bavela e South Africa,abanye bavela e Nigeria ,abanye bavela e Tanzania abanye njalo bevela kwamanye ama institutions alapha like abo Lupane state University, MSU labo University of Zimbabwe.”

Lumhlangano ophele lamhlanje ubelosekelo lwenhlanganiso ezehlukeneyo ezigoqela elwela amalungelo abesifazane amantombazane lamankazana eye Katswe Sistahood, I FBC Building Society lohlangothi olubona ngezamasiko lwenhlanganiso yomanyano wamazwe womhlaba olwe Unesco.

Amantombazana avele emagumbini amane awe Zimbabwe lavele emazweni afana le Malawi, Angola, Zambia le DRC anikwe ithuba kulumhlangano lokukhuluma ngenkinga ababhekane lazo ikakhulu amasiko lemikhuba ebancindezela intuthuko yabo.

Facebook Forum

XS
SM
MD
LG