amalinks wokungena

Breaking News

Ingcwethi Zomthetho Zithi Aliphelanga Icala LikaMugabe eleGukurahundi Laloba Esetshonile


Umbuqhazwe oweGukurahundi

Ingcwethi zomthetho zithi loba uMnu. Robert Gabriel Mugabe, owayengumongameli weZimbabwe, esetshonile icala lakhe lokulaya ibutho lakhe ukuyabulala abantu abangahlomanga ngombhuqazwe weGukurahundi, aliphelanga ngoba lalabo adala icala elabo basaphila ngakhoke bazamele bathonisiswe.

llizwe lisanda kuthatha uzibuse, uhulumende kaMnu. Robert Mugabe wabulala abantu abadlula inkulungwane ezingamatshumi abili esebenzisa ibutho leviyo leFifth Brigade elacina linikwa igama lokuthi yiGukurahundi.

Iqgwetha uMnu Khulekani Sibanda uthi icala kaliboli ngoba esedlule uMugabe.

''Ngokomthe indaba ayipheli ngokufa kwakhe yena ngokwakhe ngeke simlandele ngoba usetshonile, ngoba into zomthetho zithi impumela yedale ithi lokhu sizabe sizamgwebanjani esefile kodwa labo asebenza labo esenza lokho icala libabhekile nxa linabunjwa kumele baliphendule.''

lsakhamuzi sakoBulawayo uMnu Ben Moyo uthi bonke ababesebenza loMugabe abasaphilayo balecala lokubulala abantu ngesikhathi sombhuqazwe weGukurahundi.

''Silusizi ukuthi uhambe singakatholi ithuba lokuthi athonisiswe agwetshwe atsho ukuthi wayebabulalelani abantu. Esikwaziyo yikuthi basele abanye bakhe adala lelicala elabo ababalisa uMongameli Emmerson Mnangawa, uPerence Shiri, uSydney Sekeramai, uConstantino Chiwenga labanye bonke balamacala kumele bathonisiswe bagwetshwe izandla zabo zibomvu negazi labafowethu.''

UNkosikazi Ntombi Masoka uthi icala lokhe kulicala uMugabe utshiye emotshile kunye lalabo abaseleyo bafana laye.

''Ngithi mina icala lokhe kulicala akutshintshanga lutho utshiye emotshile lalaba abaseleyo bayamotsha basazomotsha sizwa ubuhlungu ukuthi ufeleni engaphendulana imibuzo yethu njengathi thina oMama sibuhlunu sizele abantwabethi asilabo basemazweni bayathukwa.''

UMnu Mpofu uvumelana loNkosikazi Masoka ethi abaseleyo kababotshwe.

''Thina ngesfiso sethu besifisa ukuthi ngabe akafanga ngoba siselemibuzo ngabe kuba lempendulo, laba abaseleyo sibona ingathi sebezakwesusela icala kuye kuphela silesifiso ukuthi ngabe bayabotshwa bapikele ukubulala abantu abakwenzayo.''

UMnu Jeffry Mlevu uthi ubuhlungu umthetho kumele ulandelwe.

''Ngalaba abaseleyo ufile ngoba ukufa kwadalwa ngumveli nqaba, laba abaseleyo sifisa ukuthi umthetho udlale indima yayo babotshwe.''

Umbhuqazwe weGukurahundi eMaNdebeleni leNkabazwe waqala ngomnyaka ka1983 waze waphela ngomnyaka ka1987 lapho abantwana labadala abangahlomanga babebulawa libutho leviyo leFifth Brigade.

UMugabe ubuse okweminyaka engamatshumi amathathu lasikhombisa njalo isizwe asitholanga amandla okumbopha njalo kazange axolise ethi lesosikhathi kubulawa abantu kwakuyisikhathi sobuhlanya.

UMugabe ubhubhe eseleminyaka engamatshimi ayisifica munwe munye lanhlanu -95 njalo ukhangelele ukubekwa eHeroes Acre lobanje ezaphinda ayebekwa endaweni efihlakeleyo.

please wait

No media source currently available

0:00 0:03:50 0:00

Facebook Forum

XS
SM
MD
LG