amalinks wokungena

Breaking News

Kufa Abantu Abane Engozini Yokukhukhulwa kweBhasi Ngumfula


Zupco Bus Accident
Kufe abantu abane esigabeni seMidlands ngoLwesihlanu ngemva kokuba ibhasi yeZUPCO abakade behamba ngayo ithathwe ngumfula. Ibhasi le ibivela eBeitbridge ithwele abantu abangamatshumi amabili lathoba minwe mibili njalo umtshayeli ubikwa engene umfula uMusavezi ugcwele.

Amapholisa athi izidumbu zabafileyo zithwelwe ngamanzi zatholakala sezikhafulwe ngumfula endaweni ezitshiyeneyo. Amapholisa kanye labeCivil Protection Unit –CPU bahlezi bekhuthaza uzulu ukuthi engachaphi imfula esihlala igcwele kulezinsuku ngenxa yezulu elina kakhulu.

Imizi eminengi sidilikile endaweni ezitshiyeneyo ngenxa yalelizulu. UNtungamili Nkomo weStudio 7 uxhume owake waba ngummeli weInsiza South edale lephalamende uMnu. Siyabonga Malandu Ncube.

Kunjalo nje, izakhamizi zeTsholotsho ezihlala esigabeni se Garia zithi izulu likazamcolo selithethe izindlu ezifika amatshumi amathathu lane kulindawo, kukanti labantwana besikolo bebengasayi eButabubili Primary School ngoba imifula igcwele.

Izulu leli lina endaweni ezitshiyeneyo zelizwe ezigoqela iMashonaland, Masvingo, Binga, Matabeleland South, kanye lako Siphepha eTsholotsho lapho uhulumende asethumele iqula lokuhlenga abantu ngendizamtshina langemikhumbi.

IStudio 7 ikhulume loMnu. Phineas Ncube, okhukhulelwe izindlu ezimbili yilelizulu eGaria eTsholotsho, yena okhuluma emele ezinye izakhamizi.UNcube utshele uSithandekile Mhlanga ukuthi idamu leGaria lalo selidatshulwe yilelizulu njalo selichitha amanzi.
XS
SM
MD
LG