amalinks wokungena

Breaking News

Inkampani eyeIngwebu Breweries Idinga Abangatshala Imali Kiyo


Ingwebu Breweries

Inkampani yekhansili yakoBulawayo epheka utshwala eye Ingwebu Breweries iphakathi kokudinga abangatshala imali kiyo emizameni yokuvuselela ukusebenza kuhle kwenkampani le. Lokhu ikwenza ngokunxusa abangafisa ukusebenzelana layo ukuze ithole imali yokuthenga imitshina emitsha elakho ukuthuthukisa ibhizimusi ilizwe lonke.

Idolobho lakoBulawayo selafakwa kuhlelo loluhlu lwezigaba zelizwe zamabhizimusi aqakathekileyo olubizwa ngokuthi yiSpecial Economic Zone okukhangelele ukuvuselela amankampani athile asedolobheni leli asavalayo.

Umqondisi weIngwebu Breweries uMnu Johannes Gumbo uthi imitshina yenkampani isimidala sekudingeka imitshina yakulezi insuku elakho ukuvuselela lokukhuphula izinga lokusebenza.

“Inkampani yethi ngeyakoBulawayo njalo isilesikhathi eside isebenza okutsho ukuthi imitshina ekhona isimidala sekudingeka emitsha ukuze sikhuphule izina lokusebenza okwamanje liphansi ngoba imitshina isimidala.

U Gumbo okwamanje uthi baphakathi kokudinga abatshali bemali ekuzameni yokuvuselela inkampani le, ikhule iyephambili. Ethi bakhangelele phose inkulungwane ezingamatshumi amabili zamadola ekuvuseleleni inkampani le.

Umbuthano wabe Ingwebu Breweries
Umbuthano wabe Ingwebu Breweries

“Siphakathi kokudinga abatshali bemali ukuze sikhuphule izinga lebheizimusi yethu sitholakale ilizwe lonke njalo okwamanje sikhangelele ukuthi sithole inkulungwane ezinamatshumi amabili zamadola ukuze sithenge imitshina emitsha lokuphakamisa izina lenkampani.

Usomabhizimusi wakoBulawayo uNkosazana Beauty Bhule uthi lapho imali isitshaliwe eIngwebu Breweries bakhangelele ukuba umsebenzi wamatender okuvuselela uBulawayo aphiwe osomabhizimusi bakoBulawayo hatshi kwezinye indawo

“Kuqakathekile ukuba amathender uma esephuma okuvuselela iInwebu Breweries kumele aphiwe osmabhizimusi bakoBulawayo ngoba leyomali bazayitshala edolobheni balivuselele.”

Omunye wabosomabhizimusi uThembinkosi Wena uthi kuhle ukuba lamaSpecial Economic Zone kodwa akuvulwe lawo mankampani avalwayo avuselelwe ukuze singathathi isikhathi sisakha.

“Uhlelo lwamaSpecial Economic Zones luqakathekile ngivumelana lalo kodwa lawo mankampani akoBulawayo avalwayo kawavulwe abe ngaphansi kweSEZ, ukuze singathathi isikhathi sisakha khona zikhona izakhiwo.”

Ikhansili yakoBulawayo ithi iphakathi kokuvuselela inkampani yabo njalo uHulumende usethe wakhetha indawo zamafekithali ezibalisa iBelmont, Donnington, Kelvin, le iMvumila ngaphansi kwemithetho yelizwe ukuba abafuna ukwakha amankampani balakho ukwenza lokho ngaphansi kohlelo lweSCZ.

please wait

No media source currently available

0:00 0:03:37 0:00

Facebook Forum

XS
SM
MD
LG