amalinks wokungena

Breaking News

Uhulumende Ukhuthazwa Ukuthi Eqakathekise Inhlalakahle Kazulu


Uhulumende kaMongameli Emmerson Mnangagwa sekhuthazwe ukuthi athuthukise impilo kazulu njalo aqede udubo lwenkohlakalo elizweni.

Linkuthazo iphume kungxoxompikiswano eqhutshelwe eHarare ngoLwesine yinhlanganiso yeMedia Centre imanyene lomsakazo weVoice of America.

Umbuthano lo ubungowokuhluza ikusasa leZimbabwe ezandleni zikaMongameli Emmerson Mnangagwa.

"Kuzabanzima ukuthi ilizwe liye phambili nxa kulobugwelegwele elizweni,” kutsho ingcwethi kwezenotho uMnu Tymon Mabaku. “Uhulumende kufuze ajezise izenzo ezifana lalezo.”

Enye njalo ingcwethi kwezombusazwe uNkosazana Tambudzai Sibanda, uthi ukuze eleZimbabwe lithuthuke, kumele uhulumende eqakathekise inhlalakahle kazulu.

"Esikhathini esinengi uzwa kuthiwa ‘Zimbabwe is open for business,’ okuyinto enhle kodwa uzulu wakuleli nguye omqoka okufuze anakwe,” kutsho uSibanda.

please wait

No media source currently available

0:00 0:03:14 0:00

Facebook Forum

XS
SM
MD
LG