amalinks wokungena

Breaking News

Inhlanganiso Zelungelo Lamantombazana Zisola Amazwi kaTomana


Youth Agenda Trust

Inhlanganiso ezimela ilungelo labasakhulayo labantwana zithi sokumele bavikelwe ngokwengezeleleyo kumalungelo abo kulandela imbiko amazwi kamtshutshisi omkhulu kahulumende umnumzana Johannes Tomana othe amantombazana aleminyaka elitshumi lambili alalelwe akutshoyo emthethwandaba nxa ekhetha ukuthathanda labantu abadala kumbe ukufuna ukwenda besasebencane.

Amazwi ka Tomana asolwe ngabantu abanengi eZimbabwe waze wadedela muva ethi abantu abamuzwisisanga kuloludaba ngoba engatshongo njalo.

Umnumzana Trust Nhubu wenhlananiso ye Youth Agenda Trust uthi iziphathamandla ezisezikhundleni kumele zinanzelele ezikutshoyo ikakhulu nxa zihlala ezigabeni ezibhekana lodubo lokuhlukuluzwa kwabantwana.

Unkosikazi Pauline Ndlovu wenhlanganiso ye Student Christian Movement uthi sikhuluma kanje kulodubo lokubhidlika kwemitshado okokuthi ukwendisa abantwana bebancane kwengezelela indubo lezi. Esithi konke lokhu kugoqela lokuphazamiswa kwamasiko okubangela inkinga elizweni:

UNhubu uthi njengenhlanganiso babona abatsha abagijimela umendo belahlekelwa ngamathuba okuzithuthukisa becine imitshado yabo ingasaphumeleli babe sebephatheka emisebenzini yokuphila ngokuthengisa imizimb yabo. Esithi sokudingakala ukuba abantwana labatsha bavikelwe yimithetho, abazali lo hulumende:

Unkosikazi Ndlovu uthi kakubuyelwe kundlela zakudala ekukhuliseni abantwana amankazana enikezwa ithuba lokukhula eze ebekusimo engakendiswa.

Inhlanganiso ezitshiyeneyo ezigoqela i-Padare/Enkundleni lezinye zisole kakhulu amazwi ka Tomana la. Inhlanganiso yeTag-a-Life International yona ikhuthaza ukuba acele uxolo ku zulu we Zimbabwe loba atshiye umsebenzi.

XS
SM
MD
LG