amalinks wokungena

Breaking News

Inhlanganiso Ezizimeleyo: Uhulumende Kalungisise Imithetho Elawula Ukhetho


Ingxoxo ngohlelo lokubhalisela ukuvota

Inhlanganiso ezigoqela eye Women’s Institute for Leadership Development (WILD), Heal Zimbabwe Trust, I Elections Resource Centre (ERC), le Zimbabwe Christian Alliance zitshele umhlangano lentathelizindaba ukuthi zilwisana lenhlupho ezidibana labantu lapho bebhalisela ukuvota.

Inhlupho lezi zigoqela ukuswela incwadi ezifana lezithupha, ukwehluleka ukusebenza kuhle kwabantu beZimbabwe Electoral Commission (ZEC) kanye lokwethuselwa kwabo sebebhalisile.

Umqondisi weWILD unkosikazi Samukeliso Khumalo uthe inani labantu ababhalisela ukuvota emhlubulweni weMatabeleland liphansi ngenxa yokuthi inengi alila zithupha lamaBirth certificate ethi njalo behluleka ukuthatha lezoncwadi zokuzalwa ngoba abazali babulawa ngumbuqazwe. Uthe behluleka ukuthola incwadi ezitshengisa ukuthi abazali babhubha ngenxa yokuthi babebanjwa ngamandla ukuthi bethi babulawa ngumkhuhlane othile.

uNkosikazi Khumalo ugcizelele wathi abasakhulayo bebengaphatheki kakhulu njalo bafuna ukufuqwa ukuthi baphatheke. Uthe bazi ukuthi sekusiya ekhethweni bazaphatheka na bengafuqwanga.Umqondisi weZimbabwe Christian Alliance U Rev Useni Sibanda, usole amabandla ezokholo akhuthaza abantu ukuthi bengaphatheki enhlelweni zokhetho ethi lokhu kuthathela abantu amalungelo abo.

Abenhlanganiso eye ERC, bona bathi ngaphandle kwenhlupho lezi okunye okuqakathekileyo yikuthi uhulumende alungisise imithetho ekhangela ezokhetho ukuze ukhetho lolu lubeqotho. Njengenhlanganiso ezizimeleyo bathi kabajabuliswa ngokungasebenzi kuhle kwehofisi kaRegistrar General ethathisa izithupha ethi benza engani abafuni ukuthi abanye abantu babhalisele ukuvota ngokubaswelisa incwadi ezinjengezithupha kanye lezokuzalwa zamabirth certificate ngokunjalo kuqakathekile ukuthi amahofisi onke kahulumende alesabelo kwezokhetho asebenze elandela amazwi kaMongameli Emmerson Mnangagwa ukuze kubelokhetho oluqotho.

Khathesi uzulu umatasatasa ngokubhalisela ukuvota kuhlelo oluqale mhlaka 10 Zibandlela oluzaqgitshwa mhlaka 8 Nhlolanja. Uzulu uzenelisa ukuqhubeka ebhalisela ukuvota kuze kuyekuma nxa sekusele insuku ezingamatshumi lambili ukuthi kube lokhetho.

Udaba lwenhlanganiso ezizimeleyo ngokubhalisela ukuvota siluphiwa nguBathabile Masuku
please wait

No media source currently available

0:00 0:04:30 0:00

Facebook Forum

XS
SM
MD
LG