Inhlanganiso ezilwela ilungelo labantwana likhuthaza uhulumende we Zimbabwe ukuba asayine isivumelwano samazwe omhlaba se Optional Protocol Number 3 okuzaphathisa abantwana lalezinhlanganiso ukuthi banelise ukuyakwethula izikhalazo zabo lapho amalungelo abantwana esephulwa.
Lokhu ngokunye kokuphume emhlanganweni lentathelizindaba ongenwe zinhlanganiso ezilwela ilungelo labantwana oqoqwe yinhlanganiso ye Zimbabwe National Council for the Welfare of Children. Umqondisi walenhlanganiso ye ZNCWC eZimbabwe, umfundisi Taylor Nyanhete, uqonqosele phezu kokuqakatheka kokuzinikela kukahulumende ukuzigcwalisa izivumelwano angena kizo okubalisa i Optional Protocol Number 3.
Lokhu kugcizelelwe ngobona ngezokuqoqwa kwenhlelo enhlanganisweni le - Child Rights Governance Officer, umnumzana Maxim Murungweni ochaze ukuba yona iyini leyo Optional Protocol Number 3.
Sebewuqalile umsebenzi enhlanganisweni yakhe wokukhankasela lokufundisa uzulu lezinye inhlangothi phezu kwalesi sivumelwano se OP 3 kutsho u Murungweni. Kudaba olufanayo, inhlanganiso eziqhuba inhlolisisa phezu kwendlela intathelizinda ezisebenza ngayo, eye Media Monitoring Project Zimbabwe – MMPZ, zitshele intathelizindaba emhlanganweni munye ukuba inhlolisiso abayenze kunsukwana ezisanda kwedlula iveza ukuba lanxa zisanda indaba eziphezu kwabantwana lokhe zingalotshwa ngendlela ejabulisayo.
Omunye walabo abaphatheka kunhlolisiso lezi, unkosazana Hlengiwe Dube uthi lanxa sekunganeno kulezi nsuku, kazilotshwa ngendlela etshengisa ukulondolozwa kwelungelo labantwana lezo zindaba ngoba zingazivezi indaba ezimqoka ekuphileni kwabo.
Uthi unkosazana Dube,indaba zabantwana lazo ziqakatheke kakhulu,ngakho kumele intathelizindaba zilobe ngazo sikhathi sonke.
Omunye wabaphatheke kumisebenzi yokuphathisana lamankampani ezindaba – Media Cunsultant, umnumzana Lennox Mhlanga, uthi lokhu kwenza kwentathelizindaba, ngesikhathi ziloba indaba eziphathelene labantwana, kubangelwa yizizatho ezehlukeneyo okubalisa indlela ezifundiswa ngayo emakolitshini.
Uthi uMhlanga,ukuluphaziswa kwendaba zabantwana yilabo abaloba izindaba bethi kazithengisi maphepha, kuludaba oludanisayo kakhulu.
Kuvunyelenwe emhlanganwaeni lo phezu kwesidingo sokubonisana labamakolitshi lapho intathelizindaba zifundela khona umsebenzi, kundlela ahlela ngayo izifundo lungeniswe udaba oluphezu kokulotshwa kwendaba zabantwana.
Zithi lezinhlanganiso,kuqakathekile njalo ukuba bafundiswe labo abantwana besesebancinyane, bazwisise phezu kwendlela inhlanganiso zokuthapha indaba ezisebenza ngayo.