amalinks wokungena

Breaking News

IMF: Umnotho we Sub-Saharan Africa Uzathuthuka


Inhlanganiso eboleka amazwe womhlaba imali eye International Monetary Fund (IMF), ithi umnotho we Sub-Saharan Africa ukhangelelwe ukuqhubeka uthuthuka lonyaka kusiya kumnyaka ozayo ka 2014.

Inhlanganiso le eyethule umbiko wayo wamazwe womhlaba owe World Economic Report ngoLwesibili ithi lokhu kungabe kubangelwa yikuthi sebebanengi abantu bemazweni anothileyo asebesenelisa ukuthenga lokuthengisa okwenjiwa kwamanye amazwe awezwekazi le Africa.

Ithi umnotho we sub-Saharan Africa uzathuthuka ngokuyisilinganiso sokuhlanu lengxenye ekhulwini – 5.5% lonyaka. Ngomnyaka ozayo ukhangelelwe ukuthuthuka ngokuyisithupha ekhulwini – 6%.

Inhlanganiso le ithi okunye njalo okwenza umnotho we sub-Saharan Africa uthuthuke okumangalisayo yikuthi amankampani labohulumende abatshiyeneyo sebeqakathekisa umsebenzi wokulungisa imigwaqo, izibhedlela lokunye.

Ithi okwethusayo nje kuphela yizimpi zomvukela emazweni anjenge Mali le Ginneau Bissau kanye lokukhahlamezana emazweni anjenge Sudan le South Sudan.

Ithi ukhetho lulakho njalo ukuphazamisa ukuthuthuka komnotho we sub-Saharan Africa. Ele Zimbabwe likhangelelwe ukuthi lizakwenza ukhetho olukhulu lonyaka.
XS
SM
MD
LG