amalinks wokungena

Breaking News

Inhlanganiso Ye Mopane Foundation Yenza Umcimbi Wokuhlomisa Abasakhulayo


Abantwana Besikolo
Abantwana Besikolo

Inhlanganiso yeMopani Foundation International ilombuthano wamaviki amabili koBulawayo labafundi abangamatshumi amathathu lanhlanu abasuka ezikolweni eziseziqinti ezimbalwa zemhlubulweni weMandebeleni bebahlomisa ngezempilo lekusasa yabo.

Imfundo lihawu, abafundi abangamatshumi amathathu lanhlanu bathe gwaqa esikolo seFoundation High School lapho abathole ithuba lokwethekelela indawo ezimbalwa zakoBulawayo befundiswa ngemisebenzi ehlukeneyo lokuyabuka ezemvelo.

Obona ngezokuqhutshwa kwenhlelo eMopani Foundation International oyisizalwane seZimbabwe esehlala eBhilithani uNkosazana Nomsa Nekevane uchasisa ngohlelo lwabo lolu.

“Silabafundi abanamatshumi amahlanu esilabo lapha kutrip njalo balabablisi abane abaze labo lapho sibasiza ngokubabhadalela esikolo lokubathengela impahla yokuqoka lesikolo,’ kutsho uNekevane.

UNekevane uthi abafundi ababasizayo basuka eShurugwi, eNkayi, eLupane, eTaholotsho, eMatopo leKezi njalo basiza abantwana bonke kodwa ikakhulu amantombazana ngoba bebhekane lokwendiswa masinya ngezizatho zokuswela imali yemfundo.

Kutsho uNekevane: “Silabafundi abasuka emakhaya njalo abala exposure ngakhulela ekhaya ngiyazi udubo olubhekana labafundi buye leli lizwe alibhadaleli abafundi ezikolo kusuka kubenzima kubazali.”

Omunye wabafundi uLindeni Ncube osuka eZamanyoni Primary School uchaza usizo aluthola eMFI.

“Ngikurade 6 eZamanyoni Pri. Sch njalo iMFI isinisize kakhulu ezifundweni zami ngikhangelele ukfunda ngiyekuForm 6,” kutsho uLindeni.

UIphithule Ndebele osuka eTsholotsho laye ubonga usizo aluthola eMFI.

Kutsho uIphithule: “Ngithanda ukubona usizo engiluthola eMFI, olwemali yesikolo lempahla zokuqgoka ngiyababonga kakhulu.”

UNqobani Dube osuka eMqabuko Nkomo High eKezi uthi iMFI isimsize kakhulu iqale ukumsiza ekuGrade 6 manje usekuForm 1 njalo laye engakhula ukhangelele ukusiza abanye abafundi

“IMFI isingisize okwesikhathi eside iqale ukungisiza ngiku Grade 6 manje ngiku Form 1, lami ngingakhula nifuna ukusiza abanye abafundi,” kutsho uNqobani.

UNkosikazi Sofa Ncube, umbalisi eZamanyoni oze labafundi obona ngezenhlalakahle kazulu esikolo ubonge uhlelo lweMFI.

“Ngize labantwana abayisikhombisa kuEducational Tour leyi, kuyasincedisa kakhulu ekuvuleni abafundi ingqondo njalo iMFI iyababhadalela esikolo kanye lokubatholisa impahla siyababonga kakhulu,” kutsho uSofa.

Inengi labafundi eZimbabwe batshiyela izifundo endleleni kuthi abanye bayehluleka khona ukuyaqala izifundo zabo njalo abanye bahlawulelwa zinhlanganiso ezehlukeneyo ngoba uhulumende kenelisi ukubabhadalela indleko yemfundo. Amankazana acina esiyakwenda masinya kuthi abafana bacina besiyadinga imisebenzi besasebancane.

Inhlanganiso yeMFI yasungulwa ngomnyaka ka2013, okwamanje incedisa abafundi abangamatshumi amathathu lanhlanu abalabo koBulawayo kumbuthano wezemfundo okwamaviki amabili.

XS
SM
MD
LG