amalinks wokungena

Breaking News

Izakhamizi zeNkayi Zitshayela Ihlombe iZIPRA Veterans Trust

  • Gibbs Dube

Amalunga enhlanganiso yabalwa impi yenkululeko abe ZIPRA Veterans Trust asanda kgqiba uhambo lokwethekelela izigaba ezitshiyeneyo enkayi esabelweni se Matabeleland North lapho atshiye uzulu esuthisekile ngohlelo lokukhumisana umlotha.

Amalunga enhlanganiso la ayehloma ephelela ngesikhathi sempi etwhele amabhazuka lamakathusha, okwamanje athi koniwa ngomlomo kulungiswe njalo ngomlomo hatshi ngokulwa ngakhoke akhuthaza uzulu ukulondoloza ukuthula kungabi lokukhahlamezana ngesikhathi sokhetho.

Enza lokhu ngesikhathi abanye abalwa impi yenkululeko besesatshwa ezabelweni ezinengi ngenxa yokuhlukunyezwa kwabangasekeli ibandla le Zanu PF.

Kodwa-ke okwamanje amalunga eZIPRA Veterans Trust abikwa esenza izimanga enkayi lakwezinye indawo zelizwe.

Isakhamuzi sako Nduna Madliwa Khumalo esikhethe ukubizwa ngokuthi nguMnu. C.Z Madelukufa uthi bayabonga kakhulu ngohlelo olwenziwa yinhlanganiso le.
XS
SM
MD
LG