amalinks wokungena

Breaking News

Inhlanganiso yeMthwakazi Restoration Ilwela Ilungelo Likazulu


1893 Mthwakazi Human Rights Restoration ...

Inhlanganiso elwela amalungelo oluntu ebizwa kuthiwa yi-1893 Mthwakazi Human Rights Restoration Movement ithi isiqale ngesiqubu esikhulu inhlelo zayo zokulwela amalungelo oluntu kwele Zimbabwe .

Ithi izakhulimisana lohulumende kaMongameli Emmerson Mnangagwa ukuthi ahloniphe amalungelo abantu.

Abenhlanganiso le bahlezi betshengisela esigodlweni sommeli weZimbabwe eBhilithani besola umbuso webandla leZanu PF abathi uhlukumeza abantu kwezombusazwe lokwephula ilungelo loluntu.

Unobhala obona ngokwethulwa kwemibiko kulinhlanganiso, uMnu. Thembani Dube, uthi imbali yenhlanganiso le iqala kusukisela ngomnyaka ka2014 ingamalunga awe mthwakazireview.com kwele South Africa, Botswana, UK lakwele Canada.

Inhlanganiso le ilwela ilungelo likazulu njalo iqakathekisa amasiko.
Inhlanganiso le ilwela ilungelo likazulu njalo iqakathekisa amasiko.

Uthi yaguquka yaba yiMthwakazi “and then ngo2016 ekupheleni kwakhe, ekuqaleni kuka 2017 amalunga la aseguquka asesiba yi 1893 Mthwakazi Human Rights Restoration Movement, yiyo ke imbali ye1893.”

Sezinengi inhlanganiso ezifana lale njalo zilenjongo ezitshiyeneyo, ezinye zisebenza lamabandla ezombusazwe. Kambe yehlukane kanganani inhlanganiso ye1893 Mthwakazi Human Rights Restoration Movement lezinye.

“I1893 Mthwakazi Human Rights Restoration Movement iqakathekisa kakhulu umuntu wakoMthwakazi hatshi izinhlanganiso zakoMthwakazi. Umuntu wonke wakoMthwakazi ukuthi abelelungelo ukuthi abephakathi kwayo i1893 kungakhathelekile ukuthi uvela kuliphi ibandla. Amabandla siyasebenza lawo entweni ezigoqela wonke uMthwakazi kungakhathalekile ukuthi uMthwakazi ukuliphi ibandla, yikho lapho i1893 Mthwakazi Human Rights Restoration Movement egxile khona.”

Inhlanganiso le kukhanya isilenhlelo ezinengi ezitshiyeneyo ezenzayo kweleZimbabwe langaphandle kwelizwe.

“I-1893 Mthwakazi Human Rights Restoration Movement isisebenze imisebenzi efana lale, ukugqagqela igadade, ukuncedisa ngamabhasi emkhosini emkhulu efana legadade, Mzilikazi Day, ukukhupha abafana ababebotshwe nguMugabe emajele akhe, ukuncedisana leqembu leSouth Africa elidlala kwezomdlalo wegenocide iLoyiko, ukudemonstrator ngegenocide eMatabeleland, eSouth Africa leUK, okwamanje sikhangelele iConference ezobakhona kweleBhilithane lapha mhlaka 12 May eyiyo esiyilungeselelayo.”

Abatshengisela beveza ububi bombhuqazwe weGukurahundi ...
Abatshengisela beveza ububi bombhuqazwe weGukurahundi ...

Inengi lezizalwane zeZimbabwe ezihlala ngaphandle kwelizwe zithi sezikhathele ngenhlanganiso ezibunjwa ziphelele emoyeni. Kambe le eka Dube ikusasa yayo injani?

“Ikusasa ye1893 Mthwakazi Human Rights Restoration ibukeka kuhle kakhulu, ngalezi izizatho. I1893 Mthwakazi Human Rights Restoration Movement ikhangelele ukubuyisela amalungelo abantu ngendlela ayeyiwowona ngokokuqala. Amalungelo awakhathalekile ukuthi ubani ukuyiphi iorganisation ubani ukuyiphi iorganisation. Okwesibili ikhangelele ukuthi abantu bazincede, ngaleyondlela ikusasa lihle.”

Abantu beZimbabwe bahlezi bekhala ngokuhlukunyezwa ngezombusazwe ikakhulu amabandla ezombusazwe aphikisayo, asekhankasela ukhetho. Lonyaka leli lizwe likhangelelwe ukuqhuba ukhetho olukhulu lokudinga uMongameli welizwe omutsha lamalunga edale lepalamende. Inhlanganiso ezifana le 1893 Mthwakazi Human Rights Restoration Movement zikhangelelwe ukuba zibe ngamehlo lendlebe zikazulu zibone ukuthi amalungelo abantu kahlukunyezwa.

Ingxoxo Esiyenze LoMnu. Thembani Dube
please wait

No media source currently available

0:00 0:03:13 0:00

Facebook Forum

XS
SM
MD
LG