amalinks wokungena

Breaking News

Inhlanganiso yeTyson Wabantu-The Movement Ikhankasela Ukuthi UKasukuwere Abengumongameli Welizwe


UMnu. Saviour Kasukuwere
UMnu. Saviour Kasukuwere

Kulabatsha asebebumbe inhlanganiso abayibiza ngokuthi, “Tyson Wabantu: The Movement,” abakhankasela ukuthi ilizwe leZimbabwe likhokhelwe nguMnu. Saviour Kasukuwere

Kulabatsha asebebumbe inhlanganiso abayibiza ngokuthi, “Tyson Wabantu: The Movement,” abakhankasela ukuthi ilizwe leZimbabwe likhokhelwe nguMnu. Saviour Kasukuwere, obikwa wabaleka eZimbabwe ngesikhathi ibutho lihluthuna umbuso ngoLwezi ngomnyaka ka2017.

UMnu. Kasukuwere walile ukukhuluma ngaloludaba wathi kumele umsakazo weStudio 7 uxoxe loMnu. Ntokozo Msipha, oyisikhulumeli senhlanganiso le ekhankasa ebulenjini bokuxhumana obeTwitter, Facebook lezinye inkundla.

Uthi kusobala ukuthi useyehlulekile ukubusa uhulumende kaMnangagwa, yena odinga uMnu. Kasukuwere, usikhwicamfundo Jonathan Moyo, kanye loMnu. Patrick Zhuwao, okwakuthiwa babangela ukubhidlika komnotho welizwe bekucele leGeneration 40 kubandla leZanu PF njalo babefuna ukuthi uMnu. Sydney Sekeramayi angene esikhundleni sowayengumongameli uMnu. Robert Mugabe hatshi uMnangagwa.

Kasenelisanga ukuxoxa loMnu. Moyo, Zhuwao labanye babo ngodaba lolu. Ibandla leZANU PF elisanda kuzwa ngenhlanganiso le lithi abantu abaku Generation 40 yizitha zelizwe. Asenelisanga ukukhuluma loMnu. Simon Khaya Moyo, isikhulumeli sebandla leZANU PF, obengaphenduli umakhalekhukhwini wakhe.

please wait

No media source currently available

0:00 0:08:43 0:00


Isikhulumeli seTyson Wabantu: The Movement, uMnu. Msipha uthi lukhatshana kakhulu ukhetho lukamongameli eZimbabwe ngakho isikhathi sesifikile esokuthi abatsha benze konke abakufisayo ukuze uMnu. Kasukuwere angene esikhundleni sikaMnangagwa.

XS
SM
MD
LG