amalinks wokungena

Breaking News

Inhlanganiso Yezisebenzi Isola uChamisa Ngokumela iZUVA Okwaxotshwa Khona Izisebenzi


Inkampani yeZuva ngeyamafutha

Inhlanganiso emela ilungelo lezisebenzi eye Zimbabwe Workers for Justice lisole umkhokheli womayano we MDC Alliance uMnu. Nelson Chamisa ngokumela abenkampani yamafutha eye Zuva Petroleum ekuxotsheni izisebenzi kungela mbadalo ngomnyaka ka 2015, besithi lokhu kuveza ukuba ngumuntu ongela zwelo lezisebenzi.

UChamisa wayengomunye wamagqwetha ayemele inkampani yeZuva emthethwandaba lapho eyamangalelwa yizisebenzi zayo ezazixotshwe umsebenzi okungekho emthethweni.

Impumela yokuthoniswa kwalelo cala yanika umqhatshi imvumo yokuxotsha izisebenzi bengabaziswanga okwenyanga ezintathu andubana zixotshwe njengokwakutshiwo ngumthetho okwaba yinto eyahle yenza amankampani amanengi athatha lelo thuba lokuxotsha ezawo izisebenzi inkulungwane lenkulungwane zabantu zalahlekelwa ngumsebenzi.

Ekhuluma emhlanganweni lentathelizindaba eHarare isikhulumi se Zimbabwe Workers for Justice uMnu. Taurai Gakanje uthi uChamisa yimbangela yokuhlukunyezwa kwazisebenzi ngenxa yokuphatheka kwakhe kulolodaba ngo 2015.

“Kukhanya uzulu kanye lentathelizindaba zeZimbabwe bayakhohlwa. Kule lizwi elingakathonisiswa kusenzo salo esibi, kule gqwetha elisakhulayo alathola inkazimulo ngesenzo esibi, igqwetha leli lalwela icele labancindezeli lehlula izisebenzi, lalwela icele lwabalenotho hayi abahluphekayo, igqwetha leli ngu Nelson Chamisa. Yena lo uNelson Chamisa nguye namhlanje osekhokhela iMDC Alliance, ibandla elavela kuzisebenzi. Yena lo uNelson Chamisa osezithi umela izisebenzi kanye labadubekayo. Akula bukhokheli obunjalo,” kutsho uGakanje.

UGakanje uthi inhlanganiso ezifana labo Zimbabwe Congress of Trade Unions (ZCTU) azisananzi ilungelo lezisebenzi ngoba seziphatheke kwezombusazwe ngakhoke eyakhe inhlanganiso yiyo yodwa emqotho ukumela ilungelo lezisebenzi.

Okumangalise abanengi abakade besemhlanganweni lo yikuthi kungani linhlanganiso iveza udaba osoluleminyaka emithathu khathesi ngesikhathi sokhetho.

Kutsho uMoyo: “Indaba le sikhangele okutshiwo yi Zimbabwe Justice for Workers, sinanzelele ukuthi laba abantu balesandla kwezembusazwe nxa sikhangele ukubana uChamisa kwakungasuye igqwetha elikhulu kudaba lwakhona, wayeyisisebenzi nje kunkampani yameqgwetha njalo sikhangele ukubana nxa babemela leyo nkampani kasikhangele ukuthi impela yenziwa ngu jaji hayi igqwetha elimele inkampani. Besesizibuza ukuthi babengaphi lababantu phakathikwaesikhathi sonke kusukela ku 2017, 2018, kungani bengakwenzanga lokhu ngukakaqalisi ukhetho. Njalo sikhangela abantu abafanayo, amanesi exotshwa ngu Chiwenga abazange besukumise loba umunwe owodwa ukubana besole lesi sehlakalo so sibonangani kulokuzenzisa lokubhadalwa libandla le Zanu PF.

Okugcizelelwe ngosakhulayo uNyasha Meza othi kusobala ukuthi linhlanganiso isekela labancintisana le MDC Alliance afuna ukunqcolisa ibizo lika Chamisa.

“Abantu laba lokhu abakwenzayo mina ngibona angani bathengwa abasibo bantu beqiniso ngabantu bamanga laba, bafuna nje ukungcolisa ibizo lika Advocate chamisa ngoba ukhetho solufikile abantu abanengi nje bakhanya bangani babona ukuthi uAdvocate ulenkanyiso, ngakho bangani bafuna ukumngcolisa ngezinto zabo abaziqalayo lezi,” kutsho uMeza.

Isikhulumeli somkhokheli weMDC Alliance uMnu Nkululeko Sibanda yena uthi isitha sezisebenzi kulelilizwe akusi Chamisa kodwa iZanu PF.

“Ngibona ngani udubo esilalo ngabantu laba aba khuluma angani balodubo ngabantu abadingwe libandla esiphikisana lalo ele Zanu ukuthi bazame ukungcolisa igama lika president Nelson Chamisa. Upresident Nelson Chamisaa ngeke kuthwa uphambanisile ngoba ubesebenza. Udubo olukhulu kuzisebenzi kumbe ebantwini abanengi eZimbabwe ngolokutholakala komsebenzi okwenziwe yiZanu, namhlanje abantwana abaphuma ema university, emakholishi abalayo imsebenzi kulelilizwe. Ngibona angani iZanu ingabiyenze kuhle nxa ingaqinisa ukuthi izame ukucabanga ukuthi imsebenzi ingavela ngaphi,” kutsho uSibanda.

Inengi labantu elizweni liyakwazi ukuthi ibandla eliphikisayo elamelana ngokuqinileyo lombuso kowayengumongameli Robert Mugabe ngele MDC elabunjwa ngomanyano wabantu ababemele izisebenzi abanxusa ingcwethi kwezemfundo lezinye inhlanganiso ezizimeleyo.

Facebook Forum

XS
SM
MD
LG