amalinks wokungena

Kwenziwa Umhlangano Wokukhuthaza Ubudlelana Kwama NGO


Inhlanganiso lezi zake zebhala ukwalo olulesihloko isithi 'Literacy Manual' olumumethe indlela zokunceda uzulu.

Inhlanganiso ezimela amalungelo oluntu kunhlangothi zempilo ezehlukeneyo ezama lamuhla zingene umhlangano oqakathekileyo wokuzama ukusebenzelana ndawonye ukwenzela ukuphathisana emisebenzini etshiyeneyo.

Lumhlangano welanga elilodwa wenzelwe eHoliday Inn Harare kade uqoqwe yinhlanganiso ye Zimbabwe Democracy Institute phansi kwesihloko esithi ‘Dialogue And Transition: Defining An Inclusive Civil Society Compass’.

Omunye wabangene umhlangano lo nguMnu. Marvelous Khumalo, owenhlanganiso yezakhmizi eye Chitungwiza Residents Trust, othe lumhlangano uqakathekile kakhulu ngoba ele Zimbabwe lilungiselela ukhetho njalo lithwele nzima kwezomnotho.

UNkosikazi Sally Dura, umgcinisihlalo wenhlanganiso ye Crisis in Zimbabwe Coalition, uthe inhlanganiso lezi zibuye zimela izigaba eziphatheka kizo.

UNkosikazi Dura uphinde wathi inhlanganiso lezi zifisa ukubambisana kuhlelo ezitshiyeneyo ezizanceda uzulu.

Ele Zimbabwe lilenkulungwane lenkulungwane zenhlanganiso ezizimeleyo eziphatheka emsebenzini etshiyeneyo egoqela amalungelo oluntu, isisekelo sombuso lemithetho, ezentuthuko lemisebenzi yokuzenzela lokunye okufanayo.

Facebook Forum

XS
SM
MD
LG