amalinks wokungena

Breaking News

Inhloko ZeNdaba 16, 2021


Abogatsha lwezempilakahle babika ukuthi sebeyizigidi phose ezintathu lengxenye-3,483,353, asebehlatshiwe ijekiseni yokuzivikela kuCovid 19, okulinani eligoqela izigidi ezedlula ezimbili lengxenye-2,70,096, zabahlatshwe amajekiseni womabili, ifirst le second dose. Kunje sebezinkulungwane ezedlula kancane ikhulu-133,471 asebahlaselwa yiCoronavirus lokhe lolubhubhane lwaqhamuka eZimbabwe nyakenye okulinani eligoqela abasindayo abazinkulungwane ezedlula ezilikhulu-128,305, kwafa abazinkulungwane phose ezinhlanu-4,697.

Usephendukile ekhaya uMongameli Emerson Mnangagwa ngemva kohambo lwakhe lokuyangena umhlangano embukisweni wezokuthengiselana owe Intra-African Trade Fair eDurdan kwele South Africa.

Abenhlanganiso yababalisi eye Amalgamated Rural Teachers Union-Artuz, baqale ukukhalala umsebenzi izolo, bethi bafuna umqhatshi ananzelele ukuthi iholo labo liphansi kakhulu ngakhoke aleneli ukunakekela imuli zabo.

Ingcwethi kwezenotho zithi ukuholiswa kwezisebenzi zikahulumende imali ye-bonus ngedola leMelika kuzabangela ukuthi osomabhizimusi bakhuphule intengo yezinto ngesilinganiso esikhulu maduze nje sebelungiselela ikhefu lekhisimusi.

KuLivetalk namuhla kuhlelo “The Connection” uMike Hove uxoxa labatsha ngenguquko ebekhona phansi kombuso kaMongamei Emmerson Mnangagwa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG