EZimbabwe inani lasebehlolwe batholakala bele COVID-19, lokhu lolubhubhane lwaqhamukayo ngoMbimbitho nyakenye, selikunkulungwane ezedlula ezilikhulu-132,977 okugoqela abantu asebephephe kulumkhuhlane abazinkulungwane ezedlula ikhulu-127,700, kwafa inkulungwane ezedlula ezine lengxenye- 4,678.
UMongameli Emmerson Mnangagwa usesemhlanganweni oweUnited Nations Climate Change Conference kumbe iCOP26 eGlasgow kwele Scotland lapho ahlangabezwe khona ngabakhokheli bebandla leZanu PF njalo labanye abatshengisela emigwaqwweni besola ukungena kwakhe umhlangano weCOP26.
Bayakhala abantu eZimbabwe ngokukhudumala komkhathi okudala ukungani kuhle kwezulu, ukuphundleka kwamadlelo kanye lokuswelakala kwamanzi okunatha, ukulima lokunye.
Ugatsha lwezempilakahle ndawonye lekhansili yakoBulawayo luqhuba uhlelo lokuhlola uzulu umkhuhlane we Tubercolosis kungela mbadalo. Uhlelo lolu luqale namuhla njalo luzaphela mhlaka 10 Lwezi.
ISouth Africa iqhuba ukhetho lwezabelo lapho okukhangelelwe ukuvota abantu abedlula 26 million lamabandla edlula 300.
Seliphumile kumncintiswano wenkezo ye Chibuku Super Cup iqembu lomdlalo wenguqu ele Highlanders.
KuLivetalk namuhla kuhlelo sikhangela okwenzakala elizweni okugoqela ukuqhubeka kohlelo lokuhlaba abantu ijekiseni yokuzivikela kuCovid 19.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.