amalinks wokungena

Breaking News

Inhloko ZeNdaba Lwezi 02, 2021


Uhulumende usesungule uhlelo lokuhlaba abantwana abaleminyaka yokuzalwa elitshumi lasithupha kusiya kwelitshumi lasikhombisa, 16-17 years, ijekiseni yeCovid-19.

Ugatsha olubona ngezempilakahle lwethule umbiko izolo lusazisa uzulu ngalelinyathelo njalo luxwayisa, abezikolo, amakolitshi kanye lamanyuvesi ukuthi bahlabise abafundi abaleminyaka le kusukela nje namuhla.

Kambe uhambo lukaMongameli Emerson Mnangagwa emhlanganweni wezokuguquka komkhathi luzalethelani ilizwe?

Uhulumende uthi uyasekekela ukuthi kubunjwe umthetho ozajezisa abafuna ilizwe letheswe izijeziso zenotho.

Uhulumende ukhuthaza intathelizindaba ukuba zihloniphe imithetho elawula ukusebenza kwazo ngasikhathi sinye amapholisa awe Zimbabwe Republic Police athembisa ukulondoloza amalungelo entathelizindaba kodwa ezikhuthaza ukuba zimangale lezo zehlakalo zokuhlukunyezwa ngabezomthetho, sikhathi sonke.

Abacubungula ezomnotho bathi inyathelo elithethwe libhanga elikhulu lelizwe eleRBZ elokumisa ukuthengiswa kwesilinganiso esikhulu eseAirtime kubomakhalekhukhwini alisoze lehlisa ukuthengiswa kwemali emkambo osensitha, bethi okungaqeda loluddubo yikulungisisa isimo somnotho welizwe.

KuLivetalk namuhla kuhlelo “The Connection” sikhangela imisebenzi enziwa ngabatsha ukuthuthukisa umnotho welizwe, ikakhulu abakubhizimusi ngalezi zikhathi zokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG