amalinks wokungena

Breaking News

Inhloko ZeNdaba Lwezi 03, 2021


Uhulumende weZimbabwe ngoLwesibili uqhelise iziqondiso zokwenqabela umkhuhlane weCovid-19 ngamanye njalo amaviki amabili phansi kweLockdown Level 2. Kunje sebeyizigidi ezedlula ezintathu-3,325,612, asebehlatshiwe ijekiseni yokuzivikela kuleli gcikwane, okulinani eligoqela izigidi ezedlula ezimbili lengxenye-2,610,796 zabahlatshwe amajekiseni womabili, ifirst le second dose.

UMongameli Emmerson Mnangagwa uthi inkokheli yamanye amazwe ahlangane layo emhlanganweni oweUnited Nations Climate Change Conference kwele Scotland, imthembise ukuba izasebenza kahle leleZimbabwe.

Eyinye yentsha yeZimbabwe engaphandle kwelizwe ithi isimo somnotho kasibaphi ithemba lokuthi bazakuba lekusasa engcono yikho babona kufanele ukuchapha imngcele besiyadinga amadlelo aluhlaza.

Ukuqoqwa kwempumela yokhetho lwezabelo oluqhutshwe ngoMvulo kweleSouth Africa kuyaqhubeka Kantike ibandla elibusayo iANC yilo elikhokhokhelayo.

UMnu. Glenn Youngkin webandla lamaRepublicans usengusibalukhulu wesigaba seVirginia kulandela ukhetho oluqhutshwe izolo olulandulela olomnyaka ozayo olokukhetha amalunga edale leCongress.

Inhlanganiso ye Premier Soccer League isiyethule uhlelo lokuba amaqembu azadlala njani ngeviki lakuqala elomncintiswano we Castle Lager Premier Soccer League.

KuLivetalk namuhla kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG