amalinks wokungena

Breaking News

Inhloko Zendaba Lwezi 05, 2019


Inhloko ZeNdaba

Endabeni zethu lamhlanje……………

*** Umpathintambo osebenzela ewofisini kamongameli, uMnu. Jorum Gumbo obotshwe izolo ngabekomishini eyeZimbabwe Anti-Corruption Commission umiswe phambi komthethwandaba.

*** Laloba inkampani yamandla kagetsi eyeZESA izama ukuchasisa indlela entsha yokuhlawulela ugetsi, uzulu uthi lokhe engayizwisisi.

*** Ngesikhathi eleZimbabwe lilungiselela ukwethula imali entsha amankampani amanengi kanye lamakhansili asecela uhulumende ukuthi avunyezwe ukuhlawulisa ngedollar leMelika.

*** Izizalwane zeZimbabwe kweleSouth Africa zamukele ngenjabulo umbiko kamphathintambo wendaba zasekhaya othi abantwana bezizalwane zakwamanye amazwe kumele bavunyelwe ukufunda kungakhathalekile ukuthi balencwadi zokuba selizweni ngokusemthethweni kumbe hatshi.

*** KuLiveTalk namhla kuhlelo lwabatsha olwe“The Connection” sikhangela muva, kusungulwa uhlelo lweRestore Legacy lapho okwahluthunelwa owayengumongameli uMnu Robert Mugabe intambo zombuso ngabebutho. Linguquko yabanceda na, abasakhulayo? Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG