amalinks wokungena

Breaking News

Inhloko ZeNdaba Lwezi 05, 2020


Sekufe abantu abahlanu bakoBulawayo phakathi kwensuku ezintathu zilandelana, bebulawa yiCovid 19. Lokhu sokukhuphule inani lasebebulewe yileligcikwane, eZimbabwe, laya kwabangamakhulu amabili lamatshumi phose amahlanu-248. Sebezinkulungwane ezedlula ezithobaminwe mibili-8,427, asebetholakale belegcikwane leli, lokhe laqhamukayo elizweni, ngoMbimbitho lonyaka.

Ukubalwa kwamavoti kweleMelika kuqhubekela phambili, kukhetho lokudinga umongameli olugqitshwe ngoLwesibili. Ommela ibandla lamaDemocrats kulolu khetho lokhu esakhokhela ngemiklomelo yamaElectoral College Votes nxa kuqathaniswa loMongameli Donald Trump webandla lamaRepublicans.

Ukhetho lweMelika lutshiya abanengi bezibuza imibuzo eminengi ephathelane ngendlela oluqutshwa ngayo.

Ku Livetalk namhlanje kuhlelo “Asiyihluzeni Bomama” sizaqhubeka sikhangele impumela yokhetho lweleMelika.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG