Abogatsha lwezempilakahle babika ukuthi kubhubhe oyedwa ngeCovid-19 eZimbabwe ngoLwesine njalo kwatholakala abangamatshumi amabili lanye, 21, belomkhuhlane lo.
Kunje sebeyizigidi ezedlula ezintathu-3,355,309, asebehlatshiwe ijekiseni yokuzivikela kuleli gcikwane, okulinani eligoqela izigidi ezedlula ezimbili lengxenye-2,625,597 zabahlatshwe amajekiseni womabili, ifirst le second dose.
Umongameli Emerson Mnangagwa ubese Lupane namuhla egcoba izifundi zekolitshi le Lupane University ngemva kokwedlula koBulawayo.
Uzulu wamukela ngenjabulo isinqumo esithethwe yikhomishini ebona ngokhetho eye ZEC esokuhlela amalanga okuvota ngemva kokuba amalunga awebandla eliphikisakisayo asuswa ezihlalweni. Ukhetho lumiswe ngemva kokuqhamuka komkhuhlane weCOVID 19 nyakenye.
Abalwela ilungelo loluntu baveza ukukhathazeka ngenkulumo kahulumende ukuba usefake iqula labantu abazakube behlolisisa okukhulunywa ngabantu kundlela zokukhulumisana zebulenjini wona umthetho wakhona umthetho wwkhona ungakabekwa kusaseliBill i-Cyber Bill.
KuWoza Friday namuhla silomculi kamaskandi uMehlokazulu yena osethule idlalade lakhe elitsha elilesihloko esithi ‘Iphunga.’
KuLivetalk namuhla sikhangela ukuqhubeka kohlelo lokuhlaba abantu ijekiseni yokuzivikela kuCovid 19, eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.