amalinks wokungena

Breaking News

Inhloko ZeNdaba Lwezi 06, 2020


Abezempilakahle bakhuthaza uzulu wakoBulawayo ukuthi angayekethisi ekulandeleni iziqondiso zokuvikela umkhuhlane weCOVID-19. Bathi inani labantu abalomkhuhlane lo seliqansa njalo koBulawayo okuveza ukuthi uzulu kasakhuthalanga ekwenqabeleni ukubanjwa ngumkhuhlane. Okwamanje idolobho lakoBulawayo lilabantu abangamatshumi ayisikhombisa lantathu abagula umkhuhlane we COVID 19.

Uhulumende weleSouth Africa uthi sesiqansa okukhathazayo isilinganiso sabantu asebehlaselwa ligciwane lecoronavirus kulelozwe.

Uhulumende weZimbabwe usephinde njalo wakhuthaza abakubhizimusi lokuthwala abantu ngemitshova lamabhasi abafuna ukusebenza emadolobheni agoqela ele Harare, Bulawayo, Gweru, Mutare, Masvingo lamanye ukuthi bayebhalisa ukuze basebenze labenkampani kahulumende eye Zimbabwe United Passengers Company – ZUPCO, esithi abazaqhubeka besebenza ngaphandle komthetho bezojeziswa kanzima.

Ukubalwa kwamavoti kweleMelika kuqhubekela phambili, kukhetho lokudinga umongameli olugqitshwe ngoLwesibili. Ommela ibandla lamaDemocrats kulolu khetho lokhu esakhokhela ngemiklomelo yamaElectoral College Votes nxa kuqathaniswa loMongameli Donald Trump webandla lamaRepublicans.

Kuliviki kuhlelo Woza Friday, silomculi wako Bulawayo osekhathazile kwezomculo we Jazz le Afro Soul uThandy Diana.

Ku Livetalk namhlanje sizaqhubeka sikhangela impumela yokhetho lweleMelika.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG