amalinks wokungena

Breaking News

Inhloko ZeNdaba Lwezi 08, 2021


Abogatsha lwezempilakahle babika ukuthi bakhathazekile ngokuqonga kwenani labathelewa igciwane le coronavirus ezikolo zako Bulawayo. Kunje sebeyizigidi ezedlula ezintathu-3,371,867, asebehlatshiwe ijekiseni yokuzivikela kuCovid 19, okulinani eligoqela izigidi ezedlula ezimbili lengxenye-2,648,740 zabahlatshwe amajekiseni womabili, ifirst le second dose.

Inhlanganiso ezizimeleyo zikhala ngokuthi sezithwele nzima ngomthetho osalolongwayo nguhulumende ozakwenza ukuba kube licala ukusekela amabandla ezombusazwe.

Inhlanganiso elwela amalungelo oluntu eye lbhetshu LikaZulu ithi siyenelise ukwakha kutsha ilitshe eliyisikhumbuzo salabo abatshabalala ngesikhathi sombhuqazwe weGukurahundi eBhalagwe elanyamalala ngemva kokwakhiwa nyakenye. Ngakwelinye icele izizalwane zemhlubulweni weMandebele leNkabazwe zikhuthaza uHulumende ukuba kubalulekile ukuba udaba lombhuqazwe weGukurahundi kumele luphathwe yikhomishini yamazwe womhlaba ezimeleyo hatshi inkokheli yomdabu.

Ingcwethi zezempilakahle ziveza ukukhathazeka okukhulu ngomkhuba osusabalele okwethusayo wokusetshenziswa kwezidakamizwa ngabasakhulayo, okungabangela ukuba bahlaselwe yizifo ezehlukeneyo ezigoqela imvukuzane.

Liqale kuhle iqembu le Bulawayo Chiefs ngeviki lakuqala elomncintiswano we Castle Lager Premier Soccer League.

KuLivetalk namuhla sikhangela ukuqhubeka kohlelo lokuhlaba abantu ijekiseni yokuzivikela kuCovid 19, eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG