amalinks wokungena

Breaking News

Inhloko ZeNdaba Lwezi 09, 2020


Phakathi kwabahlolwe batholakala beleCovid 19, ekutshoneni kosuku lwayizolo, abangamakhulu phose ayisithupha-582, abangamatshumi amathathu lantathu-33, bafunyenwe belegcikwane leli. Abantu ababili ababulewe yileli gcikwane izolo, oyedwa ngowakoBulawayo owesibili ngowesigabeni seManicaland, okukhuphule inani lesebebulewe, laya kwabangamakhulu amabili lamatshumi amahlanu lantathu-253.

Namhlanje izikolo zivulele amasango abantwana bonke kuhlandla lesithathu lokuvulwa kwazo, kodwa lokhu kwenzakale kulokuxokozela okumangalisayo, ngoba ababalisi abavele bala ukuya emsebenzini izikolo zivulwa okwehlandla lakuqala ngoMpandula, lokhu bengekho, bekhala ngokuthi iholo labo aleneli khona ukugada besiya emsebenzini.

Iziphathamandla zikahulumende weleMelika, ezibalisa umka Mongameli, uMelania Trump, zikhuthaza umongameli Trump ukuthi avume ukuthi usenqotshiwe kukhetho kodwa yena ubikwa esemba phansi esithi vele kayindawo.

Ukubalwa kwamavoti kweleMelika kuqhubekela phambili, kukhetho lokudinga umongameli olugqitshwe ngoLwesibili. Ommela ibandla lamaDemocrats kulolu khetho lokhu esakhokhela ngemiklomelo yamaElectoral College Votes nxa kuqathaniswa loMongameli Donald Trump webandla lamaRepublicans.

Ngesikhathi umumo wezempilakahle eZimbabwe, uqhubeka uwonakala, kubangwa ngamandla layikuqhamuka kweCoronavirus, uzulu ukhuthazwa ukungalibali ukuzivikela kweminye imikhuhlane engathelelanwayo enjengeStroke, ewomisa imithambo.

Iqembu labesifazane elimela ilizwe emdlalweni wenguqu ele Mighty Warriors seliphelelwe ngumphako kumncintiswano walonyaka owe COSAFA Senior Women’s Championship ngemva kokunqotshwa ngelimela iBotswana.

Ku Livetalk namhlanje sizaqhubeka sikhangela ingxabanxoza esiqhamuke ngempumela yokhetho lweleMelika.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG