amalinks wokungena

Breaking News

Inhloko ZeNdaba Lwezi 09, 2021


Inhloko ZeNdaba

Abogatsha lwezempilakahle babika ukuthi sebeyizigidi ezedlula ezintathu-3,371,391, asebehlatshiwe ijekiseni yokuzivikela kuCovid 19, okulinani eligoqela izigidi ezedlula ezimbili lengxenye-2,634,079 zabahlatshwe amajekiseni womabili, ifirst le second dose. Babikwa bezinkulungwane ezedlula kancane ikhulu-133,205 asebahlaselwa yicoronavirus lokhe lolubhubhane luqhamuke e Zimbabwe nyakenye okulinani eligoqela abasindayo abazinkulungwane ezedlula ezilikhulu-128,126.

Uhulumende uvuma ukuba luqhubeka lukhula udubo lwemikhuhlane yengqondo elizweni kuthi abohlangothi olwelapha imikhuhlane le eAnnex ngaphansi kwesibhedlela seParirenyatwa Group of Hospitals, baveza ukuba asebekunanzelele ngezehlakalo zabelatshwa imikhuhlane yengqondo, inengi lakhona kungokubangelwa yikuthatha okudakayo.

Inhlanganiso ezimele ababalisi sezithe zifuna iholo lenyanga kaLwezi ibe lidola leMelika ngaphandle kwalokho bathi bazaphazamisa ukulotshwa kwemihloliso ekhangelelwe ukuqala mhlaka29 Lwezi. Uhulumende wacina ukwengeza iholo lezisebenzi zakhe ngoNtulikazi.

Osomabhizimusi bakhala ngokucitshwa kwamandla kagetsi osokufike kusibanga esiphezulu.

KuLivetalk namuhla sikhangela ukuqhubeka kohlelo lokuhlaba abantu ijekiseni yokuzivikela kuCovid 19, eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG