Endabeni zethu lamhlanje ……………..
************* Ababalisi abangamalunga enhlanganiso ye Progressive Teachers’ Union of Zimbabwe – PTUZ bafole betshengisela e Harare bekhonona ngeholo labo abathi seliyinhlekisa ngoba sebesidla imbuya ngoluthi ngenxa yesimo somnotho elizweni.
************* Imihlangano yokuhlaziya ngoluhlu lwendleko kahulumende yomnyaka ozayo iBudget ka2019, iqhubekele phambili ko Bulawayo namhlanje.
************ Abenhlanganiso yababalisi bemaphandleni eye Amalgamated Rural Teachers Union of Zimbabwe baqhubekele phambili ngohlelo lwabo lwensuku ezimbili lokungangeni ezikolo njengendlela yokutshengisela ukukhonona kwabo kuhulumende ukuthi alungisise izikhalazo zabo.
************ Kwezemidlalo…….Limpelasonto imidlalo yenguqu esigabeni ese Castle Lager Premiers Soccer League izake idedele umdlalo omkhulu weFinal yomcintiswano owe Chibuku Super Cup odlalwa kusasa phakathi kweqembu le Triangle lele Harare City elithethe linkezo ngomnyaka ophelileyo.
********** KuLiveTalk namhlanje sikhangela izikhalazo zababalisi abatshengisele namhlanje bekhala ngeholo eliphansi lezinye izikhalazo abalazo phakathi komumo wenotho ongamanga kuhle elizweni. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.