amalinks wokungena

Breaking News

Inhloko ZeNdaba Lwezi 10, 2020


Kulomuntu oyedwa wasigabeni seNkabazwe obulewe yiCovid-19 eZimbabwe izolo, kwafunyanwa abangamatshumi amathathu belegcikwane leli kulabo abahlolwe ngokutshona kwelanga layizolo. Okukhweze inani lasebebulewe yilo kwabangamakhulu edlula amabili lengxenye-254.

Uzulu koBulawayo uhlalele evalweni esesabela ukuqhamuka kwemikhuhlane ngokubona inani labantu asebebanjwa ngumkhuhlane wesihudo liqansa. Umansipala wakoBulawayo ubike ukuba kulabangamakhulu phose amahlanu-488 ababanjwe yilumkhuhlane ngoNtulikazi, lehla kancane ngoNcwabakazi kodwa laphinda laqansa njalo ngoMpandula. Lolu dubo lokhu luqela ngenxa yokusilela kwamanzi kuleli dolobho.

Lanxa abezomkhathi besithi izulu lizakuna okweneleyo lo umnyaka indlala ingabakhona ngenxa yokudula kwenhlanyelo.

Umsebenzi wokuqhubelana intambo zombuso phakathi kukahulumende omdala lomutsha kweleMelika, usuphazanyiswa yikwala kukaMongameli Donald Trump, webandla lamaRepublicans, ukwamukela ukuthi unqotshiwe kukhetho lokudinga umongameli nguMnu Joe Biden webandla lamaDemocrats.

Bathini abezempilakahle ngombiko wabenkampani yeMelika elungisa imithi eyePfizer abathi sebelungise umuthi olakho ukwelapha umkhuhlane oweCoronavirus.

Iqembu labesilisa elimela iZimbabwe emdlalweni kakhilikithi lingqikilana lele Pakistan emdlalweni wesithathu kumncintiswano we T20.

Ku Livetalk namhlanje kuhlelo “The Connection” uMike Hove weStudio 7, uxoxa labatsha ngesimo sezempilakahle eZimbabwe, ngesikhathi ilizwe njengawo wonke emhlabeni jikelele lilwisana lokuvimba ukumemetheka kweCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG