amalinks wokungena

Breaking News

Inhloko ZeNdaba Lwezi 11, 2020


Umkhuhlane weCovid-19 usubulele abantu abangamatshumi amabili phakathi kwenyanga eyodwa koBulawayo kulandela ukufa koyedwa kulelidolobho izolo. Lokhu sokukhuphule inani lasebebulewe yileli gcikwane eZimbabwe jikelele selokhu laqhamukayo kumakhulu amabili alamatshumi amahlanu lanhlanu, 255.

Uhulumende wengezelela izisebenzi zakhe iholo kodwa zona ziyale ukulamukela zisithi lincane kakhulu kulalokho abakukhangeleleyo.

Umongameli Donald Trump usexotshe umphathintambo wezomvikela ngesikhathi iziphathamndla zikahulumende wakhe sezimkhuthaza ukuthi amukele impumela yokhetho..

Ikolitshi leWitwatersrand University, eliseJohannesburg, kweleSouth Africa selithole umuthi omutsha wokuvikela ukumemetheka kwegciwane lengculaza emzimbeni walabo abaphila lalo.

Elinye igqwetha eliyisizalwane sakweleBotswana selisungule ingxoxo phezu kodaba lwabeZimbabwe abahlala kulelozwe, lisithi kabanikezwe amaphepha awokuba ngabeBotswana, ngoba inengi labo liphathisa ekuthuthukiseni ilizwe.

Iqembu labesilisa elimela ilizwe emdlalweni wenguqu elama Warriors, selifikile kwele Algeria ukuyadibana leqembu elimela lelolizwe kusasa kumncintiswano wokudinga amaqembu azakuyadlala kumidlalo eyokudinga intshantshu zezwekazi lase Africa ozaqhutshelwa elizweni lase Cameroon ngo 2022.

Ku Livetalk namhlanje kuhlelo “Diaspora Forum” siqhubekela phambili sikhangela ukudonselana okulokhu kukhona ngempumela yokhetho lweMelika olwenziwe ngoLwesibili lweviki edluleyo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG