amalinks wokungena

Breaking News

Inhloko ZeNdaba Lwezi 12, 2021


Abogatsha lwezempilakahle babika ukuthi sebeyizigidi ezedlula ezintathu-3,422,732, asebehlatshiwe ijekiseni yokuzivikela kuCovid 19, okulinani eligoqela izigidi ezedlula ezimbili lengxenye-2,678,090 zabahlatshwe amajekiseni womabili, ifirst le second dose. Babikwa bezinkulungwane ezedlula kancane ikhulu-133,329 asebahlaselwa yicoronavirus lokhe lolubhubhane luqhamuke e Zimbabwe nyakenye okulinani eligoqela abasindayo abazinkulungwane ezedlula ezilikhulu-128,239, kwafa abazinkulungwane phose ezinhlanu-4,694.

Izisebenzi zikahulumende zamukela ngenjabulo isithembiso esenziwe ngumqatshi esokubaholisa amabonus azo ngedola leMelika.

Intathelizindaba ebilodumo njalo engumbalisi ezifundweni zokuthapha indaba owake wasebenzela umsakazo oweZBC, uPeter Banga akasekho.

Uzulu wehlukana ngemibono edabeni lokunganxunswa kukamongameli Emmerson Mnangagwa emhlanganweni wamalanga amabili ozakwenziwa ngenyanga kaMpalakazi kweleMelika weRoundtable, wenkokheli yamazwe awezwekazi leAfrica lenhlanganiso ezisebenzisana lozulu, obizelwe ngumongameli Joe Biden.

KuLivetalk namuhla sikhangela imbali yempilo yentathelizindaba elodumo uPeter Banga ebhubhele ebuthongweni ngokusa kwelanga lanamhla.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG