Endabeni zethu lamhlanje ……………..
************* USkhomitshi wamaholisa uMnu. Godwin Matanga uthi umkhokheli webandla leMDC, uMnu. Nelson Chamisa ulakho ukubotshwa yiloba yisiphi isikhathi ngodaba lodlakela oluqhamuke ngoNcwabakazi eHarare lokudutshulwa lokubulawa kwabantu ngamasotsha.
************* Abebandla le MDC bathi bakhathazekile ngoba impilo kamongameli walo uMnumzana Nelson Chamisa isengozini kulandela imizamo yokumthumba ngoMgqibelo odluleyo, evela emhlanganweni wokubonga uzulu ovotele ibandla lakhe eMarondera kukhetho lwalonyaka.
************ Omama bakoBulawayo baqale imfundiso yokulungisa imphahla esetshenziswa ngabesifazana nxa besesikhathini eyamaSanitary wear bezama ukubalekela intengo yayo ephezulu. Izifundo lezi ziqhutshwa ngabenhlanganiso ye Inspire Women and Children esebenzela koBulawayo.
************ Kwezemidlalo…….Iqembu elinqobe kumqhudelwano wenkezo ye Chibuku Super Cup ele Triangle lithi lizaphatheka kumncintiswano wokudinga intshantshu zezwekazi lase Africa owe CAF Confederations Cup.
********** KuLiveTalk namhlanje sikhangela okuphuma kuphenyo lokudinga imbangela yodlakela olwabulalisa abantu abayisithupha bedutshlwa ngamasotsha ngemva kokhetho. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.