amalinks wokungena

Breaking News

Inhloko ZeNdaba Lwezi 13, 2020


Ngokutshona kwelanga layizolo eZimbabwe besekulabantu abazinkulungwane phose ezithoba munwemunye-8,696 abatholakale belegcikwane leCovid 19, lokuqhamukayo elizweni. Phakathi kwalelo Kusile inkulungwane ezedlula ezithobaminwemibili-8,060 labulala abangamakhulu edlula amabili lengxenye- 255.

Abenhlanganiso elwela ilungelo lezihambi eye Zimbabwe Passenger Association - PAZ baveza ukukhathazeka ngendlela uzulu ohamba ngamabhasi asebenzisana labeZUPCO aseziphatha ngayo, engasazihluphi ukugqoka ama mask ngendlela eyiyo ngesikhathi inani labatholakala beleCOVID - 19 liqhubeka liqonga ilizwe selibhekane lehlandla lesibili lasebehlaselwa yileligciwane.

Umsekeli kamongameli welizwe, uMnu. Constantino Chiwenga ubesemcimbini wokulimukisa uzulu ngogubhane lweCoronavirus koBulawayo lapho kade kulombukiso wezemplakahle.

Izakhamizi zedolobho lakoBulawayo zibhekane lodubo lwendwendwe zokudinga imali emabhanga okuzitshiya zisebunzimeni kuthi lamavinkili awalamali ezincane zokuntshintsha abathengi.

Abekhomidi ebona ngezempilakahle isungule uhlelo lokuthapha imibono kazulu mayelana lemizamo yenhlanganiso yeAdvocacy Core Team yokukhuthaza uhulumende ukuthi avumele abantwana abangamantombazana abaleminyaka engamatshumi lambili kusiya phezulu, ukusebenzisa indlela zokuzivikela ukuzithwala.

KuWoza Friday namuhla siseHwange lapho esihamba khona leqembu leKwejani Band elisanda kwethula idlalade elitsha.

Ku Livetalk namhlanje siqhubekela phambili sikhangela ukudonselana okulokhu kukhona ngempumela yokhetho lweMelika olwenziwe ngoLwesibili lweviki edluleyo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG