amalinks wokungena

Breaking News

Inhloko ZeNdaba Lwezi 15, 2021


Abogatsha lwezempilakahle babika ukuthi sebeyizigidi phose ezintathu lengxenye-3,468,433, asebehlatshiwe ijekiseni yokuzivikela kuCovid 19, okulinani eligoqela izigidi ezedlula ezimbili lengxenye-2,696,568 zabahlatshwe amajekiseni womabili, ifirst le second dose. Babikwa bezinkulungwane ezedlula kancane ikhulu-133,438 asebahlaselwa yicoronavirus lokhe lolubhubhane luqhamuke e Zimbabwe nyakenye okulinani eligoqela abasindayo abazinkulungwane ezedlula ezilikhulu-128,287, kwafa abazinkulungwane phose ezinhlanu-4,697.

Owayesikhulumeli se ZANU PF uMnu Simon Khaya Moyo obhubhe izolo ngemva kokukhulelwa ngumkhuhlane wemvukuzane uphiwe inhlonipho yeqhawe lesizwe, iNational Hero.

Uzulu we Zimbabwe ukhumbula iminyaka emine, yokugenqulwa kukahulumende kowayenguMongameli Robert Mugabe ngabebutho.

Kulabanye abantu abathi akulanguquko ekhanyayo kusukela ngesikhathi uMugabe esuswa esikhundleni, ngaebutho kungena umbuso kaMongameli Emmerson Mnangagwa.

Liphutshe lisemsileni wengalane yemiklomelo iqembu lama Warriors kumkhankaso owokudinga amaqembu azakuyadlala kumidlalo yezizwe zomhlaba eye Qatar 2022 Fifa World Cup.

KuLivetalk namuhla sikhangela imbali yempilo kaMnu. Simon Khaya Moyo, obeyisikhulumeli seZanu PF obhubhe izolo ngemva kokukhulelwa ngumkhuhlane wemvukuzane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG