Ngokutshona kosuku lwayizolo, inani labatholakale beleCovid 19, eZimbabwe, besebezinkulungwane phose ezithoba munwemunye- 8,829. Asebesinde kuleli gcikwane bezinkulungwane ezedlula eziyisitshiyangalombili-8,096.
Ibandla le Ikomidi yebandla leMDC Alliance ebixwayisisa ngecala ebelisetheswa umgcinisihlalo wohlangothi lwabo mama, uNkosikazi Tendai Masocha lokuzama ukuthumba uTendai Muchehiwa, imthole emsulwa isithi insoli zikahulumende yizo ezathumba uMuchehiwa.
Izakhamizi zakoBulawayo zikhala ezimathonsi kulandela ukukhupha Kay kwentengo yamandla kagesti inyanga zilandelana osekubangele ukuba imuli ezinengi zingesenelisi ukuthenga amandla kagesti sebephila ngokubasa umlilo okulakho ukudala ukutshabalala komganga ngoba abantu sebegamula izihlahla mahlayana ngoba inengi inzuzo zabo azisahambelani lokukhuphuka kwentengo yamandla kagesti.
Kulokwesabela ukuba umsebenzi wonke obusuwenziwe elizweni wokuthuthukisa impilakahle yamantombazana labesifazane kwezocansi lezokuhlela kuhle imuli, ungacina usiba yize ngenxa yokqhubeka kokonakala kwesimo somnotho welizwe lobunzima obudalwe yikuqhamuka kweCovid 19 okubangele ukubekwa kweziqondiso zokumelana legcikwane leli ezeLockdown.
Kwezemidlalo……. Sikhangela impumela yomdlalo weqembu elimmela ilizwe emdlalweni wenguqu eleZimbabwe Warriors elidlala leAlgeria, kudingwa amaqembu azadlala emcintisweni weAfcon.
Ku Livetalk namhlanje siqhubekela phambili sibheke ukudonselana okulokhu kukhona ngempumela yokhetho lweMelika langokuqonga kwenani lasebetholakala beleCovid 19 eMelika ngasikhathi sokulamankampani amabili athi asephume lomuthi wokuvikela lumkhuhlane.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.