amalinks wokungena

Breaking News

Inhloko ZeNdaba Lwezi 17, 2020


Phakathi kwabantu abangamakhulu edlula ayisithupha abahlolwe igcikwane leCovid 19, eZimbabwe, abangamatshumi phose ayisikhombisa-68 batholakale belalo izolo. Lokhu kutsho ukuba inani lasebetholakale belegcikwane leli lokhu laqhamukayo elizweni selikunkulungwane phose ezithoba munwemunye- 8,897.

Abaphatheke kumikhankaso yokulwela ilungelo loluntu kwezempilakahle bathi ukuqonga kwenani labatholakala beleCOVID-19 yisibonelo sokungalandelwa kweziqondiso ezabekwa ngabenhlanganiso eye World Health Organization lohulumende.

UMongameli Emmerson Mnangagwa usethule uhlelo lukahulumende olujonge ukusungula imisebenzi ephose ifike kusigidi, 1 million, kuminyaka emihlanu ezayo. Kodwa umbuzo omkhulu ngothi luzaphemelela na loluhlelo?

Inhlanganiso yababalisi eyeZIMTA ikhuthaza amalunga ukuthi abuyele emsebenzini ngemva kokukhalala umsebenzi okuqale ekupheleni kwenyanga kaMpandula kuhlandla lakuqala lokuvulwa kwezikolo. Linkuthazo kodwa isolwa ngezinye inhlanganiso ezimele ababalisi ezigoqela eye ARTUZ.

Ku Livetalk namhlanje kuhlelo “The Connection” sikhangela ukuqonga kwenani lasebetholakala beleCovid 19 emhlabeni jikelele okugoqela eZimbabwe ngesikhathi sokulamankampani amabili athi asephume lomuthi wokuvikela lumkhuhlane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG