Abogatsha lwezempilakahle babika ukuthi sebeyizigidi phose ezintathu lengxenye-3,514,286, asebehlatshiwe ijekiseni yokuzivikela kuCovid 19, okulinani eligoqela izigidi ezedlula ezimbili lengxenye-2,712,979, zabahlatshwe amajekiseni womabili, ifirst le second dose. Kunje sebezinkulungwane ezedlula kancane ikhulu-133,505 asebahlaselwa yiCoronavirus lokhe lolubhubhane lwaqhamuka eZimbabwe nyakenye okulinani eligoqela abasindayo abazinkulungwane ezedlula ezilikhulu-128,337, kwafa abazinkulungwane phose ezinhlanu-4,698.
Lanxa uhulumende esithi uzakwakha izikolo ezizinkulungwane ezintathu, 3000, phakathi kweminyaka emine elandelayo, abanye bathi lezi kungaba yizifiso nje zikaThemba loAmukela nanku uhulumende evele ezehlulekela, osokudale ukuthi izakhamizi kwezinye izigaba zakhe izikolo ngemali zazo.
Umkhokheli webandla leEconomic Freedom Fighters kweleSouth Africa umnumnzana Julius Malema uthi kungangcono ibandla lakhe lilahlekelwe ngamavoti kulokuthi lisekele inkulumo zokuthi kuxotshwe abantu bokuza kweleSouth Africa.
Abanye babadabuka eZimbabwe asebehlala kweleBotswana bathi balethemba lokuthi bazaqeda umnyaka besesimeni esingcono kulandela ukwehla kakhulu kwenani labantu abatholakala beleCovid-19.
Abalandeli bomdlalo wenguqu kwele Zimbabwe balinde ukuzwa ukuba inhlanganiso ebona ngokuqhutshwa komdlalo wenguqu emhlabeni jikelele eye Fifa izakuthini ngokumiswa umsebenzi okwenziwe inkokheli yenhlanganiso ye Zimbabwe Football Association lugatsha olubona ngokuqhutshwa kwezemidlalo kwele Zimbabwe olwe Sport and Recreation Commission.
KuLivetalk namuhla kuhlelo “Diaspora Forum” sikhangela okwenziwa ngabadabuka e Zimbabwe asebehlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.