amalinks wokungena

Breaking News

Inhloko ZeNdaba Lwezi 18, 2020


Abantu ababili ababulawe yiCovid 19, ngokutshona kwelanga layizolo, kukhuphule inani lasebethathelwe umpefumulo ligcikwane leli eZimbabwe, laya kwabangamakhulu edlula amabili lengxenye-260. Abangamatshumi phose ayisikhombisa-68, balaba bantu, okugoqela ababhubhe izolo, bengabakoBulawayo.

Uzulu weMaNdebeleni uveza imibono ehlukeneyo ngodaba lokuxotshwa umsebenzi kowayengumongameli weZimbabwe, umuyi uMnu. Robert Gabriel Mugabe lapho esehluthunelwe intambo zombuso ngabebutho besekelwa ngamabandla aphikisayo lozulu jikelele bethi usehleli embusweni isikhathi eside njalo uyehluleka ukubusa.

Inengi lababalisi babuyele ezikolo namhlanje kodwa abazali bathi uhulumende kumele azama ngazo zonke indlela ukukhangelisisa izikhalazo zababalisi ezigoqela iholo elingcono.

Noma nje eleBotswana lisithi lizavula imingcele ekuqaleni kukaMpalakazi, kulengozi yokuthi inengi labeZimbabwe liyehluleke ukuya ekhaya ngesikhathi sekhefu yekhisimusi.

Ibandla lama Republicans izolo lizame ukuvimba impumela yokhetho eMichigan okunqobe khona uMnu. Joseph Biden kwathi ngesikhathi esifanayo uMongameli Donald Trump waxotsha obekhangele ngezokuvikela ukhetho obekuhlangothi olweCybersecurity.

Ku Livetalk namhlanje kuhlelo “Diaspora Forum” sikhangela ukuqonga kwenani lasebetholakala beleCovid 19 emhlabeni jikelele okugoqela eZimbabwe kanye lengxabanxoza eqhubeka iseMelika ngemva kokhetho.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG